ସତ୍ୟଶିଖା (ଭୁବନେଶ୍ୱର) ୧୩/୦୧/୨୦୨୧ : କରୋନା ଲଢେଇରେ ଆଉ ପାଦେ । ପହଞ୍ଚିଲା କରୋନା ଟିକା କୋଭାକ୍ସିନ୍ । ଭୁବନେଶ୍ୱରରେ ଆଜି ଆସିଛି ପହଞ୍ଚିଛି କରୋନା ଟିକା କୋଭାକ୍ସିନ୍ । ପ୍ରାୟ ୨୦ହଜାର କୋଭାକ୍ସିନ୍ ଡୋଜ୍ ଆସି ପହଞ୍ଚିଛି । ଭାରତ ବାୟୋଟେକ୍ ଓ ଆସିଏମ୍ଆର୍ ଦ୍ୱାରା ପ୍ରସ୍ତୁତ କରାଯାଇଛି କୋଭାକ୍ସିନ୍ । ଟିକାକୁ ବିମାନବନ୍ଦରରୁ ଅଣାଯାଇ ଏବେ ରାଜ୍ୟ ଭ୍ୟାକ୍ସିନ୍ ଷ୍ଟୋର ବା ଟିକା ଭଣ୍ଡାରରେ ରଖାଯାଇଛି । ଏଠାରୁ ରାଜ୍ୟର ବିଭିନ୍ନ ଟୀକାକରଣ କେନ୍ଦ୍ରକୁ ଟିକା ପଠାଯିବ । କେନ୍ଦ୍ର ସରକାର ମୋଟ୍ ୫୫ ଲକ୍ଷ ଡୋଜ୍ କୋଭାକ୍ସିନ୍ ଟିକା କିଣିବାକୁ ଅର୍ଡର ଦେଇଥିବା ବେଳେ ସେଥିରୁ ଓଡ଼ିଶାରେ ପହଞ୍ଚିଛି ୨୦ ହଜାର । କୋଭାକ୍ସିନ୍ ଡୋଜ୍ ପିଛା ୨୯୫ ଟଙ୍କା ଦାବି କରିଛି ଭାରତ ବାୟୋଟେକେ । ଗତକାଲି ଅପରାହ୍ଣରେ ଭୁବନେଶ୍ୱରରେ ପହଞ୍ଚିଥିଲା କୋଭିସିଲ୍ଡ ଟିକା । ୧୬ରୁ ରାଜ୍ୟର ୧୬୨ କେନ୍ଦ୍ରରେ ଆରମ୍ଭ ହେବ ଟିକା କରଣ । ପ୍ରଥମ ଦିନ ୧୬ ହଜାର ବୟସ୍କ ସ୍ଵାସ୍ଥ କର୍ମୀଙ୍କୁ ଟିକା ଦିଆଯିବ । ପ୍ରତି କେନ୍ଦ୍ରରେ ଦୈନିକ ଶହେ ଜଣକୁ ଟିକା ଦିଆଯିବ ।
ସୂଚନାଯୋଗ୍ୟ ଯେ, ରାଜ୍ୟରେ ଗତକାଲିଠାରୁ ପହଞ୍ଚିଛି କରୋନା ଟିକା । ପ୍ରଥମ କରି ସିଧା କମ୍ପାନୀରୁ କରୋନା ଟିକା କୋଭିସିଲଡ ରାଜ୍ୟକୁ ଆସିଛି । ମଙ୍ଗଳବାର ଅପରାହ୍ନରେ ଏୟାର ପୋର୍ଟରୁ କଡା ବ୍ୟବସ୍ଥା ବଳୟ ଭିତରେ ରାଜ୍ୟ ଟିକା ଷ୍ଟୋରକୁ ଆଣାଯାଇଥିଲା । ଏହାପରେ ଜିଲ୍ଲା ଷ୍ଟୋରକୁ କୋଲଡ ଚେନ ଜରିଆରେ ପଠାଯାଇଛି । ଯେତିକି ଟିକା ଆସିଛି , ସେଥିରେ ପ୍ରାୟ ୧ ଲକ୍ଷ ୯୧ ହଜାର ସ୍ଵାସ୍ଥ କର୍ମଚାରୀଙ୍କ ଦିଆଯିବ । ବୟସ୍କ ଓ କୋଭିଡ ସଂକ୍ରମଣ ଅଧିକ ଥିବା ସ୍ଥାନର ସ୍ଵାସ୍ଥ କର୍ମୀଙ୍କୁ ପ୍ରଧାନ୍ୟ ଦିଆଯିବ । ଏପଟେ ଦ୍ବିତୀୟ ପ୍ରର୍ଯ୍ୟାୟ ତାଲିକା ୨୫ ତାରିଖ ସୁଦ୍ଧା କରିବାକୁ ନିର୍ଦ୍ଦେଶ ଦେଇଛନ୍ତି ସରକାର ।
