ନନ୍ଦନକାନନରେ ମା’ ହେଲା ସିମ୍ପାଞ୍ଜି ରାଖି

ସତ୍ୟଶିଖା(ଭୁବନେଶ୍ୱର ) ୨୯.୧୨.୨୦୨୧: ଓଡିଶାର ସବୁଠୁ ବଡ ପ୍ରାଣୀ ଉଦ୍ୟାନ ନନ୍ଦନକାନନ ପାଇଁ ଖୁସି ଖବର । ପ୍ରଥମ ଥର ପାଇଁ ସିମ୍ପାଞ୍ଜି ରାଖି ମା’ ହୋଇଛି । ଗତ ଜୁନମାସ ୨ତାରିଖରେ ରାଖିର ରକ୍ତ ପରୀକ୍ଷା କରାଯାଇଥିଲା । ଏଥିରେ ରାଖି ଗର୍ଭଧାରଣ କରିଥିବା ଡାକ୍ତରମାନେ ଜାଣିବାକୁ ପାଇଥିଲେ । ସେହିଦିନଠୁ ରାଖି ପ୍ରତି ନନ୍ଦନକାନନ କର୍ତ୍ତୃପକ୍ଷ ସ୍ୱତନ୍ତ୍ର ଦୃଷ୍ଟି ଦେବା ସହ ଯତ୍ନ କରୁଥିଲେ । ତେବେ ଗତକାଲି ରାଖି ଏକ ମାଈ ଶାବକକୁ ଜନ୍ମ ଦେଇଛି । ଜୁଲୁ ସହ ମିଳନ ଘଟି ମା’ହେବାର ସୌଭାଗ୍ୟ ଅର୍ଜନ କରିଛି ରାଖି । ରାଖି ଏକ ମାଈ ଶାବକକୁ ଜନ୍ମ ଦେବା ପରେ ସିମ୍ପାଞ୍ଜି ପରିବାର ସଂଖ୍ୟା ବୃଦ୍ଧିପାଇ ୮ରେ ପହଞ୍ଚିଛି । ସେଥିମଧ୍ୟରେ ଦୁଇଟି ମାଈ ଓ ୬ଟି ଅଣ୍ଡିରା ରହିଛନ୍ତି । ମା’ ରାଖି ଓ ଛୁଆ ଉଭୟ ସୁସ୍ଥ ଥିବା ନନ୍ଦନକାନନ ଉପନିଦେ୍ର୍ଧଶକ ଡ. ସଞ୍ଜିତ୍ କୁମାର କହିଛନ୍ତି ।