ସତ୍ୟଶିଖା ୧୧/୧୧/୨୦୨୦ : ଅପ୍ରତ୍ୟାଶିତ ରହିଲା ବିହାର ନିର୍ବାଚନ ଫଳାଫଳ । ନୀତିଶ କୁମାର ଏବଂ ତେଜସ୍ବୀ ଯାଦବଙ୍କ ଲଢ଼େଇରେ ଏନଡିଏ ହିଁ ଆଗରେ ରହିଲା । ଏନଡିଏ 125 ଟି ଆସନରେ ବିଜୟୀ ହୋଇ ଏକକ ସଂଖ୍ୟ ଗରିଷ୍ଠତା ହାସଲ କରିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ବିହାରବାସୀଙ୍କୁ ବିଜୟ ପାଇଁ ଅଭିନନ୍ଦନ ଜଣାଇବା ସହ ବିକାଶ ପାଇଁ ଏହି ବିଜୟ ନିର୍ଣ୍ଣାୟକ ବୋଲି କହିଛନ୍ତି । 243 ସଭ୍ୟ ବିଶିଷ୍ଟ ବିଧାନସଭାରେ ସଂଖ୍ୟା ଗରିଷ୍ଠତା ପାଇଁ 122 ଆସନ ଦରକାର ଥିବା ବେଳେ ନୀତୀଶଙ୍କ ନେତୃତ୍ବାଧିନ ଜେଡିୟୁ-ବିଜେପି ମେଣ୍ଟ ବା ଏନଡିଏ 125 ଟି ଆସନରେ ଆଗୁଆ ରହିଛି ।
ସେହିଭଳି ତେଜସ୍ବୀଙ୍କ ମହାମେଣ୍ଟ 111ଟି ଆସନରେ ଆଗୁଆ ରହିଛି । ତେବେ ସବୁଠାରୁ ଉଲ୍ଳେଖନୀୟ କଥା ହେଉଛି ଯେ ଏଥର ନୀତୀଶଙ୍କ ଜେଡିୟୁ ଆସନ ସଂଖ୍ୟା କମିଥିବା ବେଳେ ବିଜେପି ଆସନ ସଂଖ୍ୟା ବଢ଼ିଛି । ୭୬ଟି ଆସନ ସହିତ ଆରଜେଡି ଏକ ନମ୍ବର ସ୍ଥାନରେ ଥିବା ବେଳେ ଏହା ପଛକୁ ରହିଛି ବିଜେପିର 74 ଟି, ଜେଡିୟୁକୁ 43 ଏବଂ କଂଗ୍ରେସକୁ19 ଆସନ ମିଳିଛି । ଅନ୍ୟପକ୍ଷରେ ବିଜେପି ମେଣ୍ଟକୁ ୧୨୪ଟି ଆସନ ମିଳିଛି ।
