ସତ୍ୟଶିଖା (ନୂଆଦିଲ୍ଲୀ) ୨୧/୦୧/୨୦୨୧ : ଦକ୍ଷିଣ ପୂର୍ବ ଦିଲ୍ଲୀର କାଳକାଜୀରେ ଏକ ଗହଣା ଦୋକାନରୁ ଲୁଟ୍ ହୋଇଛି । ଲୁଟେରାଜଣଙ୍କ ପିପିଇ କିଟ୍ ପିନ୍ଧି ଅଞ୍ଜଳି ଜ୍ୱେଲର୍ସ ନାମକ ଏକ ଦୋକାନରେ ପ୍ରବେଶ କରିଥିଲା । ଏହାସହ ୬ କୋଟିର ଅଳଙ୍କାର ନେଇ ଫେରାର ହୋଇଯାଇଥିଲେ । ସମସ୍ତ ଘଟଣା ସିସିଟିଭିରେ କଏଦ ହୋଇଛି । ସେ ପାଖରେ ଥିବାରେ ଏକ କୋଠାରୁ ରଶି ସାହାଯ୍ୟରେ ଦୋକାନର ଛାତ ଦେଇ ଲୁଟେରାଟି ଦୋକାନ ଭିତରେ ପ୍ରବେଶ କରିଥିଲେ ।
ପୋଲିସର କହିବାନୁସାରେ, ଚୋରଟି ରାତି ୯ଟା ୩୦ରେ ଆସି ୩ଟା ୫୦ ଯାଏଁ ଦୋକାନରେ ରହିଥିଲେ । ଏହି ସମୟରେ ସେ ପ୍ରାୟ ୬ କୋଟିର ଅଳଙ୍କାର ଲୁଟି ଫେରାର ହୋଇଯାଇଛି । ବୁଧବାର ସକାଳ ୧୧ଟାରେ ଚୋରି ବାବଦରେ ସୂଚନା ମିଳିବା ପରେ ପୋଲିସକୁ ଖବର ଦିଆଯାଇଥିଲା ।
ସୋରୁମଟି ଏଚ୍ ବ୍ଲକରେ ଅବସ୍ଥିତ । ପୋଲିସ ବୁଧବାର ଦୋକାନରେ ତଦନ୍ତ କରି ସମସ୍ତ କର୍ମଚାରୀଙ୍କ ବୟାନ ରେକର୍ଡ କରିଛି । ଚୋରକୁ ଖୋଜିବା ପାଇଁ ଅନେକ ଟିମ୍ ଗଠନ କରାଯାଇଛି । ଚୋରଟି ପିପିଇ କିଟ୍ ପିନ୍ଧିଥିବା ଓ ଦୁଇଟି ବ୍ୟାଗରେ ଗହଣା ଲୁଟ୍ କରୁଥିବା ସିସିଟିଭି ଫୁଟେଜରେ ଦେଖିବାକୁ ମିଳିଛି ।
ପୋଲିସ ଜାଣିବାକୁ ପାଇଛି ଯେ, ଚୋରଟି ସୋରୁମର ତାଲା ଖୋଲିବା ପରେ ପାଖରେ ଥିବା ଏକ ଖାଲି ଫ୍ଲାଟରେ ପ୍ରବେଶ କରିଥିଲା । ଏହାପରେ ସେ ଛାତକୁ ଚାଲିଯାଇଥିଲା । ତିନୋଟି କୋଠା ଡେଇଁ ଚୋରଟି ଫେରାର ହୋଇଯାଇଥିଲା ।
