ଘରକୁ ଫେରୁଛନ୍ତି ବିର୍ଜୁ କୁଲୁ ,୨୦ବର୍ଷ ପାକିସ୍ତାନ ଜେଲ୍ରେ ରହିବା ପରେ
ସତ୍ୟଶିଖା (ରାଉରକେଲା) ୧୩/୧୧/୨୦୨୦ : ଦୀର୍ଘ ୨୦ ବର୍ଷ ଧରି ପାକିସ୍ତାନ ଲାହୋର କୋଟ ଲାଖପତ ଜେଲରେ ରହିବା ପରେ ଘରକୁ ଫେରୁଛନ୍ତି ସୁନ୍ଦରଗଡ କୁତ୍ରା ଥାନା କଟଙ୍ଗ ଝଗରପଡାର ବିର୍ଜୁ କୁଲୁ । ବିର୍ଜୁ ଗତକାଲି ବିଳମ୍ବିତ ରାତିରେ ପହଁଚିଛି ଝାଡ଼ଖଣ୍ଡ ଗୁମଲାରେ । ବିର୍ଜୁଙ୍କ ସାଙ୍ଗରେ ଅଛନ୍ତି କୁତ୍ରା ବ୍ଲକ ମଙ୍ଗଳ ସମ୍ପ୍ରସାରଣ ଅଧିକାରୀ ମଦନ ସିଂ ।
ମାନସିକ ଅନଗ୍ରସର ବିର୍ଜୁ ୨୫ ବର୍ଷ ତଳେ ଘରୁ କେଉଁଆଡେ ଚାଲିଯାଇଥିଲେ । ଗତ ବର୍ଷ କୁତ୍ରା ପୋଲିସ ବିର୍ଜୁଙ୍କ ଘର କଟଙ୍ଗ ଝଗରପଡା ଯାଇ ଜଣାଇଥିଲା ବିର୍ଜୁ ଜୀବିତ ଅଛନ୍ତି । ତାହା ବି ୨୦ବର୍ଷ ଧରି ପାକିସ୍ତାନ ଜେଲରେ । ଗତ ୨୬ ତାରିଖରେ ପାକିସ୍ତାନ ବିର୍ଜୁଙ୍କୁ ଓ୍ବାଘା ବର୍ଡର ଦେଇ ଭାରତକୁ ହସ୍ତାନ୍ତର କରିଛି ।
ସ୍ଵଦେଶ ଫେରିବା ପରେ ବିର୍ଜୁଙ୍କୁ ଅମୃତସର ନାରାୟଣ ଗଞ୍ଜ କ୍ବାରେଣ୍ଟାଇନ୍ ସେଣ୍ଟରରେ । ଗତ ୬ ତାରିଖ କୁତ୍ରା ପ୍ରଶାସନ ତରଫରୁ ବିର୍ଜୁଙ୍କୁ ଆଣିବା ପାଇଁ ବାହାରିଥିଲା ଏକ ଟିମ୍ । ଟିମ୍ ରେ ଥିଲେ କୁତ୍ରା ବ୍ଲକ ମଙ୍ଗଳ ସମ୍ପ୍ରସାରଣ ଅଧିକାରୀ ମଦନ ସିଂଙ୍କ ସହ ଦୁଇ ଡ୍ରାଇଭର ।
ବିର୍ଜୁଙ୍କୁ ଧରି ଗତ ୧୦ ତାରିଖ ସକାଳେ ଅମୃତସରରୁ ସୁନ୍ଦରଗଡ ମୁଖେ ବାହାରିଥିଲେ । ଆଉ ଗୁରୁବାର ବିଳମ୍ବିତ ରାତିରେ ପହଁଚିଛନ୍ତି ଝାଡ଼ଖଣ୍ଡର ଗୁମଲାରେ । ଶୁକ୍ରବାର ଦିନ ୧୧ଟା ସୁଦ୍ଧା ବିର୍ଜୁ ପହଞ୍ଚିବେ ସୁନ୍ଦରଗଡ କୁତ୍ରା । ବିର୍ଜୁଙ୍କ ଆଗମନରେ କୁତ୍ରା ପ୍ରଶାସନ ସ୍ବାଗତ କରିବା ପାଇଁ ଅଛି ପୁରା ପ୍ରସୂତୀ ।
