ସତ୍ୟଶିଖା( ଭୁବନେଶ୍ୱର )୦୧.୧୧.୨୦୨୨: ଓଡ଼ିଶା ଗ୍ରାମ୍ୟ ଗୃହନିର୍ମାଣ ନିଗମ(ଓଆରଏଚଡିସି) ଦୁର୍ନୀତି ମାମଲାରେ ଗତ ୪ଦିନ ତଳେ ହାଇକୋର୍ଟରୁ ଜାମିନ ପାଇଥିବା ଆଇଏଏସ୍ ବିନୋଦ କୁମାରଙ୍କୁ ଆଜି ଭୁବନେଶ୍ୱରସ୍ଥିତ ସ୍ପେଶାଲ ଭିଜିଲାନ୍ସ ଜଜ୍ କୋର୍ଟ ଆଉ ଏକ ଦୁର୍ନୀତି ମାମଲାରେ ଦଣ୍ଡିତ କରିଛନ୍ତି । ବିନୋଦ କୁମାରଙ୍କ ସମେତ ଓଆରଏଚଡିସିର ପୂର୍ବତନ ସହାୟକ ମ୍ୟାନେଜର ଏ ଆନନ୍ଦରାଓ ଓ ରାଜ୍ୟ ଶ୍ରମିକ ଓ ନିର୍ମାଣ ସମବାୟ ମହାସଂଘ ପରିଚାଳନା ନିର୍ଦ୍ଦେଶକ ରାଧାରଞ୍ଜନ ପଟ୍ଟନାୟକଙ୍କୁ ମଧ୍ୟ ୩ବର୍ଷ ଜେଲ ଦଣ୍ଡାଦେଶ ସହ ୫୦ହଜାର ଟଙ୍କାର ଜୋରିମାନା ରୁଜୁ କରାଯାଇଛି ।
ଭିଜିଲାନ୍ସର ପୂର୍ବତନ ଡିଏସପି ବିଶ୍ୱନାଥ ମିଶ୍ର ଏହି ମାମଲାର ତଦନ୍ତ କରିଥିବାବେଳେ ଭୁବନେଶ୍ୱର ସ୍ୱତନ୍ତ୍ର ଭିଜିଲାନ୍ସ କୋର୍ଟର ଓକିଲ ଏଚକେ ସ୍ୱାଇଁଙ୍କ ଦ୍ୱାରା ଶୁଣାଣି ହୋଇଥିଲା ।
