ଭାରତରେ ଶହେ ଜଣ ଭାରତୀୟଙ୍କ ଉପରେ ପରୀକ୍ଷା ହେବ ରୁଷ କରୋନା ଟିକା

ସତ୍ୟଶିଖା (ମସ୍କୋ) ୨୩/୧୦/୨୦୨୦ : କୋଭିଡ୍-୧୯ ଭାକସିନ୍ ସନ୍ଧାନରେ ରହିଛନ୍ତି ସମଗ୍ର ଦେଶବାସୀ । ଭାରତ ସରକାର ମଧ୍ୟ ଏହି ଚେଷ୍ଟାରେ ଲାଗିଛନ୍ତି ଯେ ଯେତେ​‌ ଶୀଘ୍ର କରୋନା ଭାକସିନ ଆସୁ । ଏହାରି ଭିତରେ ଭାରତରେ ରୁଷ ସ୍ପୁଟନିକ ଭି ଭାକସିନର ପରୀକ୍ଷଣ ୧୦୦ ଭାରତୀୟ ସ୍ବେଚ୍ଛାସେବୀଙ୍କ ଉପରେ କରାଯିବ । ଡିସିଜିଆଇ ଏହି ସୂଚନା ଅକ୍ଟୋବର ୨୨ରେ ଦେଇଛନ୍ତି । ପରୀକ୍ଷଣ ପାଇଁ ଫାର୍ମାସ୍ୟୁଟିକାଲ କମ୍ପାନି ଡାକ୍ତର ରେଡ୍ଡି’ସ ଲାବ୍ରୋଟୋରିକୁ ଅନୁମତି ଦିଆଯାଇଛି । ଯଦିଓ ପରୀକ୍ଷଣର ତାରିଖ ଓ ସମୟ କମ୍ପାନି ଦ୍ବାରା ସ୍ଥିର ହେବ ।ତୃତୀୟ ପର୍ଯ୍ୟାୟରେ ରୁଷ ଟିକା ପହଞ୍ଚିବା ପୂର୍ବରୁ ଏହାର ଦ୍ବିତୀୟ ପର୍ଯ୍ୟାୟ ପରୀକ୍ଷଣ କରାଯିବ । ଡିସିଜିଆଇ ଏହାର କ୍ଲିନିକାଲ ଟ୍ରାଏଲ ପାଇଁ ଡାକ୍ତର ରେଡ୍ଡି’ସଙ୍କ ଲ୍ୟାବକୁ ଅନୁମତି ଦେଇଛନ୍ତି । ଏବେ ଟିକାର ୨ୟ ପର୍ଯ୍ୟାୟ ପରୀକ୍ଷଣ ୧୦୦ ଲୋକଙ୍କ ଉପରେ କରାଯିବ । ସେହିପରି ତୃତୀୟ ପର୍ଯ୍ୟାୟ ପରୀକ୍ଷଣରେ ୧୪ଶହ ଲୋକ ସାମିଲ ହେବେ । ୧୦୦ ଲୋକଙ୍କ ଦ୍ବାରା ଦ୍ବିତୀୟ ପର୍ଯ୍ୟାୟ ପରୀକ୍ଷା ଶେଷ ହେବା ପରେ ଏହାର ବିଶ୍ଲେଷଣ ବିଶେଷଜ୍ଞଙ୍କ ଦ୍ବାରା କରାଯିବ । ଏହି ଆଧାରରେ ହିଁ ଫେଜ-୩ କ୍ଲିନିକାଲ ଟ୍ରାଏଲ ପାଇଁ ଡାକ୍ତର ରେଡ୍ଡି’ସଙ୍କ ଲାବ୍ରୋଟରିକୁ ଅନୁମତି ଦିଆଯିବ ।