ସତ୍ୟଶିଖା(ମୁମ୍ୱାଇ ) ୨୩.୦୪.୨୦୨୧: ପରଲୋକରେ ବିଶିଷ୍ଟ ସଂଗୀତ ନିର୍ଦ୍ଦେଶକ ଶ୍ରବଣ ରାଠୋର । କରୋନା ସଂକ୍ରମଣରେ ଚାଲିଗଲା ଶ୍ରବଣଙ୍କ ଜୀବନ । ମୃତ୍ୟୁ ବେଳକୁ ତାଙ୍କୁ ୬୬ ବର୍ଷ ବୟସ ହୋଇଥିଲା । ଗତ କିଛି ଦିନ ତଳେ ସେ ସଂକ୍ରମଣରେ ପୀଡିତ ହୋଇ ମୁମ୍ୱାଇର ଏସ.ଏଲ ରହେଜା ହସ୍ପିଟାଲରେ ଭର୍ତ୍ତି ହୋଇଥିଲେ ।
ତାଙ୍କ ଅବସ୍ଥା ଗୁରୁତର ହେବାରୁ ସେ ଭେଣ୍ଟିଲେଟରେ ଚିକିତ୍ସିତ ହେଉଥିଲେ । କରୋନାରେ ପୀଡିତ ହେବା ପରେ ତାଙ୍କର ମଲ୍ଟି ଅର୍ଗାନ ସବୁ ଫେଲ୍ ହେବାରେ ଲାଗିଥିଲା । ଏହାସହ ସେ ହୃଦରୋଗରେ ଓ ମଧୁମେହ ରୋଗର ବି ଶିକାର ଥିଲେ । ତାଙ୍କୁ ଚିକିତ୍ସା କରୁଥିବା ଡାକ୍ତର ଏସବୁ ନେଇ ସୂଚନା ଦେଇଛନ୍ତି । ବର୍ତ୍ତମାନ ତାଙ୍କ ପୁଅ ସଂଜୀବ ଶ୍ରବଣ କରୋନାରେ ସଂକ୍ରମିତ ହୋଇ ହସ୍ପିଟାଲରେ ଆଡ଼ମିଟ ହୋଇଛନ୍ତି ।
ସେପଟେ ନିଜର ଅତି ପ୍ରିୟ ବନ୍ଧୁଙ୍କୁ ହରାଇ ଦୁଃଖରେ ଭାଙ୍ଗିପଡିଛନ୍ତି ନଦୀମ । କାନ୍ଦି କାନ୍ଦି ସେ କହିଛନ୍ତି ମୁଁ ମୋ ଭାଇକୁ ହରାଇଲି । ୯୦ ଦଶକରେ ନଦୀମ ସୈଫି ସହ ମିଶି ସେ ଇଣ୍ଡଷ୍ଟ୍ରିରେ ରାଜ୍ କରୁଥିଲେ ଶ୍ରବଣ । ଦର୍ଶକଙ୍କୁ ଦେଇଥିବା ଗୋଟିଏ ପରେ ଗୋଟିଏ ଗୀତ ଚାର୍ଟ ବଷ୍ଟରରେ ବେଶ୍ ହିଟ୍ ସାବ୍ୟସ୍ତ ହୋଇଥିଲା । ତାଙ୍କ ନିର୍ଦ୍ଦେଶିତ ଆଶିକୀ, ସାଜନ, ସଡକ, ଦିଲ ହେ କି ମାନତା ନେହିଁ, ସାଥୀ, ଦିଓ୍ୱାନା, ଫୁଲ ଓ୍ୱୌର କାଣ୍ଟେ ଭଳି ବହୁତ ହିଟି ଗୀତ ରହିଛି ।
