ସତ୍ୟଶିଖା ୧ .୦୯ .୨୦୨ ୦ : ଦକ୍ଷିଣ ଭାରତର ପ୍ରମୁଖ ବ୍ୟଞ୍ଜନ କଥା କହିଲେ ପ୍ରାୟ ସମସ୍ତେ ଇଟଲି କଥା ଭାବିବେ। ଏବେ ଇଟଲି ପ୍ରିୟ ଏବଂ ପିଏମ୍ ମୋଦି ପ୍ରଶଂସକଙ୍କ ପାଇଁ ଏକ ଖୁସି ଖବର ରହିଛି । ତାମିଲନାଡୁର ସଲେମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନାମରେ ମୋଦି ଇଟଲି ବିକ୍ରି କରିବାକୁ ପ୍ରସ୍ତୁତି କରାଯାଉଛି । 4 ପିସ୍ ମୋଦି ଇଟଲିର ଦାମ୍ ରହିବ 10 ଟଙ୍କା । ବିଜେପି ପ୍ରଚାର ପ୍ରକୋଷ୍ଠର ପ୍ରଦେଶ ଉପାଧ୍ୟକ୍ଷ ମହେଶ ନାମକ ଜଣେ ବ୍ୟକ୍ତି ଏହି ପ୍ରସ୍ତୁତି କରୁଛନ୍ତି ।
ମୋଦି ଇଟଲିର ପ୍ରଚାର ପ୍ରସାର ପାଇଁ ସହରର ଭିନ୍ନ ଭିନ୍ନ ସ୍ଥାନରେ ପୋଷ୍ଟର, ବ୍ୟାନର ଲାଗିଛି । ଏଥିରେ ପିଏମ୍ ମୋଦି ଏବଂ ମହେଶଙ୍କର ଫଟୋ ରହିଛି । ଏହି ପୋଷ୍ଟରରେ ଲେଖାଅଛି ଯେ, ମହେଶ ପ୍ରସ୍ତୁତ କରୁଛନ୍ତି ମୋଦି ଇଟଲି । 10 ଟଙ୍କାରେ 4 ପିସ୍ ।
ତାମିଲନାଡୁ ବିଜେପିର ମିଡିଆ ସଚିବ ବାଲାସୁଭ୍ରମଣ୍ୟମ କହିଛନ୍ତି ଯେ, ଏହି ଇଟଲି ବିକ୍ରି ପାଇଁ ପ୍ରାଥମିକ ପର୍ଯ୍ୟାୟରେ 22ଟି ଦୋକାନ ଖୋଲିବା ପାଇଁ ଯୋଜନା ରହିଛି । ଆସନ୍ତା ସପ୍ତାହର କାମ ଆରମ୍ଭ କରିବାକୁ ପ୍ରସ୍ତୁତି ଚାଲିଛି ।
