ସତ୍ୟଶିଖା ( ଭୁବନେଶ୍ଵର ) ୧୮।୦୭: ସାରା ବିଶ୍ଵ ପାଇଁ ମୁଣ୍ଡବିନ୍ଧାର କାରଣ ହୋଇଥିବା କରୋନା ଭାଇରସକୁ ନେଇ ବିଭିନ୍ନସ୍ତରରେ ରିସର୍ଚ୍ଚ ଜାରି ରହିଛି । ବିଭିନ୍ନ ଲକ୍ଷଣକୁ ଆଧାରରେ ବୈଜ୍ଞାନିକମାନେ କରୋନା ଭାଇରସ ୬ ପ୍ରକାରର ବୋଲି ଜାଣିବାକୁ ପାଇଛନ୍ତି । ତେବେ ଏହି ୬ପ୍ରକାର କରୋନା ଭାଇରସ ଆକ୍ରାନ୍ତଙ୍କ କ୍ଷେତ୍ରରେ ମୁଣ୍ଡବିନ୍ଧା ଏବଂ ବାସ୍ନାବାରିବାର କ୍ଷମତା ହରାଇବା ଭଳି ସମାନ ଲକ୍ଷଣ ଦେଖିବାକୁ ମିଳିଛି ।
ଭାଇରସର କ୍ୟାଟେଗୋରି ଜାଣିପାରିଲେ ହିଁ ଉଚିତ୍ ସମୟରେ ଉପଯୁକ୍ତ ଚିକି୍ତ୍ସା ରୋଗୀଙ୍କୁ ମୃତ୍ୟୁ ମୁଖରୁ ବଞ୍ଚାଇପାରିବ । ଗବେଷଣାରୁ ଜଣାପଡ଼ିଛି କି ସବୁଠାରୁ କମ୍ ବିପଦ ସୃଷ୍ଟିକାରୀ ଭାଇରସରେ ଆକ୍ରାନ୍ତଙ୍କ କ୍ଷେତ୍ରରେ ଫ୍ଲୁ ଭଳି ଲକ୍ଷଣ ଦେଖିବାକୁ ମିଳିଥାଏ । ଥାର୍ଡ଼ କାଟାଗୋରି ବିଶିଷ୍ଟ ଭାଇରସ ଆକ୍ରାନ୍ତଙ୍କ ଠାରେ ଡାଇରିଆର ଲକ୍ଷଣ ମଧ୍ୟ ପ୍ରକାଶ ପାଇଥାଏ । ଚୁତୁର୍ଥ ପଞ୍ଚମ ଓ ଷଷ୍ଠ ପ୍ରକାର ଭାଇରସ ଆକାନ୍ତଙ୍କ ଠାରେ ଥକାପଣ, ଅନ୍ୟମନସ୍କ ହେବା, ନିଶ୍ବାସ ନେବାରେ କଷ୍ଟ ଅନୁଭବ ଭଳି ଲକ୍ଷଣ ସବୁଠାରୁ ଅଧିକ ହୋଇପାରେ । ତେବେ ଏଭଳି ସମସ୍ତ କାଟାଗୋରିର କରୋନା ଭାଇରସ ସଂକ୍ରମିତଙ୍କ କ୍ଷେତ୍ରରେ ମୁଣ୍ଡବିନ୍ଦା ଓ ଏବଂ ବାସ୍ନା ବାରିବାରର କ୍ଷମତା ହରାଇବା ଭଳି ଲକ୍ଷଣ ପ୍ରାୟ ସମାନଭାବେ ଦେଖିବାକୁ ମିଳିଥାଏ । ତେବେ ଲକ୍ଷଣକୁ ନେଇ କରୋନା ଭାଇରସର ପ୍ରକାର ଭେଦ ଏବଂ ଏହାର ଚିକିତ୍ସା ପଦ୍ଧତି ବେଶ୍ ଗୁରୁତ୍ବପୂର୍ଣ୍ଣ ବୋଲି ଧରିବାକୁ ହେବ ।
