ସତ୍ୟଶିଖା ୦୬/୦୧/୨୦୨୧ : ଇଂଲଣ୍ଡ ପରେ ଜର୍ମାନୀରେ ଜାରି ହେଲା ଶକ୍ତ ଲକଡାଉନ୍ । ବଢୁଥିବା କରୋନାର ସଂକ୍ରମଣକୁ ଦେଖି ମଙ୍ଗଳବାର ଏଭଳି କଠୋର କଟକଣା ଘୋଷଣା କରିଛନ୍ତି ଜର୍ମାନ ଚାନସିଲର ଆଞ୍ଜେଲା ମର୍କେଲ । ଜର୍ମାନୀର ୧୬ଟି ସଂଘୀୟ ରାଜ୍ୟର ମୁଖ୍ୟଙ୍କ ସହ ଆଲୋଚନା ପରେ କରୋନା ସଂକ୍ରମଣକୁ ରୋକିବା ପାଇଁ ଏଭଲି ପଦକ୍ଷେପ ଘୋଷଣା କରାଯାଇଛି ।
ଅର୍ଥାତ ଦେଶବ୍ୟାପୀ ଜାନୁଆରୀ ୩୧ ପର୍ଯ୍ୟନ୍ତ ଘୋଷାଣା ହୋଇଛି ଲକଡାଉନ୍ । ଜରୁରୀ ନଥିଲେ ଘରୁ ନବାହାରିବାକୁ ପରାମର୍ଶ ଦିଆଯାଇଛି । ଜଣେ ବ୍ୟକ୍ତି ସର୍ବାଧିକ ୧୫ କିଲୋମିଟର ଯାତ୍ରା କରିପାରିବେ ବୋଲି କୁହାଯାଇଛି । ସେହିପରି ଜଣେ ବ୍ୟକ୍ତି ସର୍ବସାଧାରଣ ସ୍ଥାନରେ କେବଳ ଜଣେ ବ୍ୟକ୍ତିଙ୍କୁ ଭେଟି ପାରିବେ । ପୂର୍ବରୁ ୫ ଜଣଙ୍କୁ ଭେଟିପାରିବେ ବୋଲି ଅନୁମତି ରହିଥିଲା । କରୋନାର ନୂଅ ଷ୍ଟ୍ରେନ ଦ୍ରୁତ ବେଗରେ ସଂକ୍ରମିତ ହେଉଥିବାରୁ ବ୍ରିଟେନ ପରେ ଏଭଳି କଠୋର ପଦକ୍ଷେପ ନେଇଛି ଜର୍ମାନୀ ।
