ସତ୍ୟଶିଖା ( ନୂଆଦିଲ୍ଲୀ )୦୧ /୧୦ /୨୦୨୧: ଚଣ୍ଡିଗଡର ହରନାଜ୍ ସନ୍ଧୁ ‘ମିସ୍ ଡିଭା ମିସ୍ ୟୁନିଭର୍ସ ଇଣ୍ଡିଆ ୨୦୨୧’ର ଟାଇଟଲ୍ ଜିତିବାର ସୌଭାଗ୍ୟ ଅର୍ଜନ କରିଛନ୍ତି। ବର୍ତ୍ତମାନ୍ ହରନାଜ୍ ମିସ୍ ୟୁନିଭର୍ସ ୨୦୨୧ ପ୍ରତିଯୋଗିତାରେ ଦେଶର ନେତୃତ୍ୱ ନେବେ । ଚଳିତ ବର୍ଷ ଡିସେମ୍ବରରେ ଇସ୍ରାଏଲର ଅନୁଷ୍ଠିତ ହେବ ଏହି ପ୍ରତିଯୋଗିତା । ଗତ ବର୍ଷ ମେସ୍କିକୋର ଏଣ୍ଡ୍ରିୟା ମେଜା ବିଶ୍ୱସୁନ୍ଦରୀ ଟାଇଟଲ୍ ଜିତିଥିଲେ । ଆଉ ଚଳିତ ବର୍ଷ ଏଣ୍ଡ୍ରିୟା ନିଜ ମୁକୁଟ ନୂଆ ବିଜେତାଙ୍କୁ ପିନ୍ଧାଇବେ ।
‘ମିସ୍ ଡିଭା ମିସ୍ ୟୁନିଭର୍ସ ଇଣ୍ଡିଆ ୨୦୨୧’ର ଟାଇଟଲ୍ ଜିତିଥିବା ହରନାଜ୍ ସିନ୍ଧୁ ଗୀତ, ନାଚ, ଅଭିନୟ, ପହଁରିବା, ରୋଷେଇ କରିବା, ଘୋଡା ଚଢିବା ଏବଂ ଅଭିନୟ କରିବାକୁ ବହୁତ୍ ଭଲ ପାଆନ୍ତି ।
ସମସ୍ତ୍ କୋଭିଡ ପ୍ରୋଟୋକଲ ମାନି ଏହି ପ୍ରତିଯୋଗୀତା ଆୟୋଜିତ ହୋଇଥିଲା। ଏଥିରେ ସର୍ବଶ୍ରେଷ୍ଠ ୨୦ ଜଣ ବିଶିଷ୍ଟ ଫ୍ୟାଶନ୍ ଡିଜାଇନର୍ ଅଭିଷେକ ଶର୍ମାଙ୍କ ଦ୍ୱାରା ପ୍ରସ୍ତୁତ ପୋଷାକ ପିନ୍ଧିଥିଲେ।
