ସତ୍ୟଶିଖା ( ଭୁବନେଶ୍ୱର )୧୭ /୧୧ /୨୦୨୧: ରାଜ୍ୟରେ ବଡ ଧରଣର ଜିଏସ୍ଟି ରେଡ୍ କରାଯାଉଛି । ୧୧ଟି ଜିଲ୍ଲାର ୧୪ ହୋଲସେଲର ଓ ୩୨ ସୋରୁମରେ ଏକକାଳୀନ ଜିଏସଟି ଚଢାଉ କରାଯାଉଛି । ସେହିପରି ଭୁବନେଶ୍ୱରର ତିନୋଟି ସ୍ଥାନରେ ଏକାକଳୀନ ଚଢାଉ କରାଯାଉଛି । ବାସୁଦେବ ଉଡସ୍, ଫର୍ଣ୍ଣିଚର ଗୋଡାଉନ ଓ ଚିରାଗ ଇଣ୍ଡଷ୍ଟ୍ରିରେ ରେଡ ଚାଲିଛି । ୧୩୬ ଜଣ ଅଫିସର ରେଡର ସାମିଲ ହୋଇଛନ୍ତି ।
ସେହିପରି କଟକ, ଭୁବନେଶ୍ୱର, ବାଲେଶ୍ୱର, ବ୍ରହ୍ମପୁର, ଭଦ୍ରକ, କେନ୍ଦ୍ରାପଡା, ସମ୍ବଲପୁର, ବରଗଡ, ରାଉରକେଲା, ଭବାନୀପାଟଣା, କଣ୍ଟାବାଞ୍ଜିରେ ଏକକାଳୀନ ରେଡ କରାଯାଉଛି । କଟକ ଜଗତପୁର ଶିଳ୍ପାଞ୍ଚଳରେ ଜିଏସଟି ଚଢାଉ କରୁଛି । ରାଉରକେଲା ସହରର ଦୁଇଟି ସ୍ଥାନରେ ଜିଏସଟି ଚଢାଉ ହେଉଛି । ଡେଲି ମାର୍କେଟ ଓ ମେନ ରୋଡରେ ଥିବା ଫର୍ଣ୍ଣିଚର ସୋରୁମରେ ଚଢାଉ ଚାଲିଛି ।
ସେହିପରି ସମ୍ବଲପୁର ୫ଟି ସ୍ଥାନରେ ରେଡ୍ ହେଉଛି । ଗୋଏଲ ଫର୍ଣ୍ଣିଚରରେ ଜିଏସଟି ରେଡ ହୋଇଥିବା ବେଳେ ସହରର ତିନୋଟି ସ୍ଥାନରେ ଏକକାଳୀନ ରେଡ୍ ଚାଲିଛି । ଅନ୍ୟପଟେ ବଲାଙ୍ଗୀର କଣ୍ଟାବାଞ୍ଜିର ରାଜୀବ ଅଗ୍ରୱାଲଙ୍କ ଆରକେ ଦୋକାନ ଓ ଗୋଦମରେ ଚଢାଉ ଚାଲିଛି । ଏହାସହିତ କିଛଇ ଗୁରୁତ୍ୱପୂର୍ଣ୍ଣ କାଗଜ ପତ୍ର ଜବତ କରି ଯାଞ୍ଚ ଚାଲିଛି ।
