କାର ଚାଳକଙ୍କ ପାଇଁ ବଡ ଖବର

ସତ୍ୟଶିଖା : ୨୧.୧୨.୨୦୨୦ : ବର୍ତମାନ ହେଲମେଟ୍ ଚେକିଂ ଜୋରଦାର ହେଉଥିବା ବେଳେ ସରକାର ଆଉ ଏକ ନିୟମକୁ କଡାକଡି କରିଛନ୍ତି । ଏଣିକି କାରରେ ସାଇଟ୍ ଏୟାରବ୍ୟାଗ୍ ରହିବା ବାଧ୍ୟତାମୂଳକ ହେବ । କାର ଚାଳକଙ୍କ ସମେତ ଯାତ୍ରୀଙ୍କ ସୁରକ୍ଷା ଉପରେ ବି ସରକାର ଗୁରୁତ୍ୱ ଦେଇଛନ୍ତି ।ଯାତ୍ରୀଙ୍କ ନିରାପତ୍ତା ଉପରେ ସରକାର ଗୁରୁତ୍ୱ ଦେଉଛନ୍ତି । ଏଥିପାଇଁ ବିଭିନ୍ନ ସମୟରେ ନୂଆ ନୂଆ ନିୟମ ପ୍ରସ୍ତୁତ କରାଯାଉଛି । କାର୍‌ ଯାତ୍ରୀଙ୍କ ସୁରକ୍ଷାରେ ଉନ୍ନତି ଆଣିବା ଲାଗି ଭାରତ ସରକାର ଖୁବଶୀଘ୍ର ଆଗ ସିଟରେ ବସୁଥିବା ଯାତ୍ରୀଙ୍କ ପାଇଁ ସାଇଡ୍‌ ଏୟାରବ୍ୟାଗକୁ ବାଧ୍ୟତାମୂଳକ କରିବା ଯୋଜନା ରଖିଛନ୍ତି । ଦାମୀ କାର୍‌ ଠାରୁ ଆରମ୍ଭ କରି ସୁଲଭ ମୂଲ୍ୟର କାର‌ରେ ମଧ୍ୟ ଏହି ବ୍ୟବସ୍ଥା କରାଯିବ । ବର୍ତ୍ତମାନ ବ୍ୟବସ୍ଥାରେ କେବଳ ଡ୍ରାଇଭର ପାର୍ଶ୍ବ ଏୟାରବ୍ୟାଗ୍‌ ବାଧ୍ୟତାମୂଳକ ରହିଛି । ରେନୋ କ୍ବିଡ, ଡାଟସନ ରେଡି-ଗୋ, ମାରୁତି ଅଲ୍ଟୋ ଏବଂ ଏସ-ପ୍ରେସୋ ଭଳି ଷ୍ଟାଣ୍ଡାର୍ଡ କାରରେ ଡ୍ରାଇଭର ପାର୍ଶ୍ବ ଏୟାରବ୍ୟାଗ ରହିଛି ।