ସତ୍ୟଶିଖା( ଭୁବନେଶ୍ୱର )୨୩.୦୩.୨୦୨୨ : ଭୀମ୍ସାର୍ରେ ଚିକିତ୍ସା ଅବହେଳାରୁ କୋଭିଡ୍ ସଂକ୍ରମଣ ଜନିତ ମୃତ୍ୟୁ ମାମଲାର ଶୁଣାଣି କରି ମୃତକ ପରିବାରକୁ କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ୨ ମୃତକଙ୍କ ପରିବାରଙ୍କୁ ପରିବାର ପିଛା ୫ ଲକ୍ଷ ଟଙ୍କା ଲେଖାଏଁ କ୍ଷତିପୂରଣ ଦେବାକୁ ହାଇକୋର୍ଟ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେବା ସହ ଆଉ ୧୧ ପରିବାରକୁ ୫୦ ହଜାର ଲେଖାଏଁ ଦେବାକୁ ନିର୍ଦ୍ଦେଶନାମା ଦେଇଛନ୍ତି । ତେବେ ଏହି କ୍ଷତିପୂରଣ ମେ ୨ ସୁଦ୍ଧା ହିତାଧିକାରୀଙ୍କୁ ପ୍ରଦାନ ଏବଂ କମ୍ପ୍ଲାଏନ୍ସ ରିପୋର୍ଟ ଦେବାକୁ ନିର୍ଦ୍ଦେଶନାମାରେ ଉଲ୍ଲେଖ କରାଯାଇଛି । ଅବସରପ୍ରାପ୍ତ ବିଚାରପତିଙ୍କ ରିପୋର୍ଟ ଆଧାରରେ ଏହି ନିର୍ଦ୍ଦେଶ ଦିଆଯାଇଛି ।
