ସତ୍ୟଶିଖା ( ଅଯୋଧ୍ୟା ) ୦୫ .୦୮.୨୦୨୦ : ଅଯୋଧ୍ୟାରେ ଭୂମିପୂଜନ ଏବଂ ଶିଳାନ୍ୟାସ ଅବସରକୁ ରାଜ୍ୟପାଳ ଗଣେଶୀ ଲାଲ ଏହାକୁ ତାଙ୍କ ଜୀବନର ଏକ ଖୁସିର ଦିନ ଭାବରେ ଚିହ୍ନିତ କରିଛନ୍ତି । ମାନ୍ୟବର ପ୍ରଧାନମନ୍ତ୍ରୀ ଆଜି ଅଯୋଧ୍ୟାରେ ରାମଜନ୍ମ ଭୁମିରେ ଭୂମି ପୂଜା ଏବଂ ଶିଳାନ୍ୟାସ କରିଛନ୍ତି । ତେବେ ଆଜିର ଦିନ ଭାରତ ପାଇଁ ଏକ ଐତିହାସିକ ଏବଂ ଗୌରବପୂର୍ଣ୍ଣ ଦିନ ବୋଲି ନିଜ ଟୁଇଟର ପେଜ୍ରେ ଉଲ୍ଲେଖ କରିଛନ୍ତି ରାଜ୍ୟପାଳ । ଏଥିସହିତ ଏହି ଦିନ ଇତିହାସର ପୃଷ୍ଠାରେ ଏକ ସ୍ୱଣ୍ଣି ଦିନ ଭାବରେ ପରିଗଣିତ ହେବ । ଏହି ଦିନ ମୋ ପାଇଁ ଏକ ଆନନ୍ଦର ଦିନ ଓ ଖୁସିର ଦିନ ବୋଲି ଶ୍ରୀ ଗଣେଶୀ ଲାଲ୍ କହିଛନ୍ତି । ମର୍ଯ୍ୟାଦା ପୁରୁଷୋତ୍ତମମ୍ ଶ୍ରୀ ରାମ ଜଣେ ସର୍ବୋଚ୍ଚ ଉତ୍କର୍ଷର ପ୍ରତୀକ ଅଟନ୍ତି, ଯାହା ଜଣେ ବ୍ୟକ୍ତି ହାସଲ କରିବା ଅସମ୍ଭବ ବୋଲି ମାନ୍ୟବର ରାଜ୍ୟପାଳ ଭୁମି ପୂଜନ ଅବସରରେ ପ୍ରକାଶ କରିଛନ୍ତି ।
