ସତ୍ୟଶିଖା (ନୂଆଦିଲ୍ଳୀ) ୨୪/୧୧/୨୦୨୦ : ପୁଣି ୪୩ ମୋବାଇଲ୍ ଆପ୍ ବ୍ୟାନ୍ କଲେ ସରକାର। ଦେଶର ସୁରକ୍ଷା, ଅଖଣ୍ଡତା ଉପରେ ପ୍ରଭାବ ପକାଉଥିବା ଅଭିଯୋଗରେ ସରକାର ଏଭଳି ନିଷ୍ପତ୍ତି ନେଇଥିବା ଜଣାପଡ଼ିଛି। ଆଇଟି ଆକ୍ଟ ଧାରା ୬୯ଏ ଜରିଆରେ ଏହି କାର୍ଯ୍ୟାନୁଷ୍ଠାନ ନେଇଛନ୍ତି ସରକାର । ତେବେ ଏନେଇ ଇଲେକଟ୍ରୋନିକ୍ସ ଓ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରାଳୟ ପକ୍ଷରୁ ସୂଚନା ମିଳିଛି ।
ଏହା ପ୍ରଥମ ନୁହେଁ ଯେ କେନ୍ଦ୍ର ସରକାର ମୋବାଇଲ୍ ଆପ୍ ବ୍ୟାନ୍ କରିଛନ୍ତ । ପୂର୍ବରୁ ଜୁନ ୨୦୨୦ରେ ୫୯ ମୋବାଇଲ୍ ଆପ୍ ବ୍ୟାନ୍ କରିଥିଲେ କେନ୍ଦ୍ର ସରକାର । ଏହାପରେ ସେପ୍ଟେମ୍ବରରେ ୧୧୮ ଆପ୍ ବ୍ୟାନ୍ ସହ ମୋଟ ୧୭୭ ଚୀନ ଆପ୍ ଉପରେ ଅଙ୍କୁଶ ଲଗାଇସାରିଛନ୍ତି କେନ୍ଦ୍ର ସରକାର । ଏ ସମସ୍ତ ଆପ୍ ଭାରତର ସୁରକ୍ଷା ଓ ଅଖଣ୍ଡତା ଉପରେ ବିପଦ ସୃଷ୍ଟି କରୁଥିବା ନେଇ ଭାରତ ସରକାର ପକ୍ଷରୁ ସୂଚନା ମିଳିଥିଲା ।
