ଦେଶବାଣିଜ୍ୟବିଦେଶ

ମାରୁତି କାର ଉପରେ ମାଲାମାଲ ଅଫର

ସତ୍ୟଶିଖା(ନୂଆଦିଲ୍ଲୀ) ୦୮/୧୨/୨୦୨୦ :  ଭାରତର ସର୍ବବୃହତ କାର୍ ନିର୍ମାତା ମାରୁତି ସୁଜୁକି ନିଜର ପପୁଲାର ଗାଡି ଉପରେ ଆକର୍ଷମୀୟ ଅଫର୍ ପ୍ରଦାନ କରିଛି । ଏହା ଗ୍ରାହକଙ୍କୁ ଅଧିକ ଆକୃଷ୍ଟ ମଧ୍ୟ କରିଛି । ଆପଣ ଯଦି ଚଳିତ ମାସରେ ମାରୁତି ସୁଜୁକି ଅଲଟୋ, ସ୍ୱିଫ୍ଟ, ବ୍ରିଜା, ସେଲେରିଓ, ଇକୋ ଓ ଏସ-ରେସୋ ସମେତ ଅନ୍ୟ କାର୍ କିଣିବାକୁ ଚାହାଁନ୍ତି ତାହେଲେ ଅଫରର ଲାଭ ଉଠାଇପାରିବେ ।

ମାରୁତି ସୁଜୁକି ଅଲଟୋ-୮୦୦ ଉପରେ ୩୭୦୦୦ ଟଙ୍କା ଯାଏଁ ରିହାତି ମିଳୁଛି । ଏହା ମଧ୍ୟରୁ ୧୫୦୦୦ ଟଙ୍କା ଡିସକାଉଣ୍ଟ ଥିବା ବେଳେ ୧୫ ହଜାର ଟଙ୍କା ଏକ୍ସଚେଞ୍ଜ ବୋନସ ଓ ୭ ହଜାର ଟଙ୍କା ହେଉଛି କର୍ପୋରେଟ୍ ଅପିର ।

ଏତତ୍ ବ୍ୟତୀତ ଓ୍ୱାଗନର ଏମଟି ଭାରିଏଣ୍ଟ ଉପରେ ୩୦ ହଜାର ଟଙ୍କା ରହାତି ମିଳୁଛି । ୮୦୦୦ ଟଙ୍କା କ୍ୟାସ୍ ଡିସକାଉଣ୍ଟ ଥିବା ବେଳେ ୧୫ ହଜାର ଟଙ୍କା ହେଉଛି ଏକ୍ସଚେଞ୍ଜ ବୋନସ ଓ  ୭ ହଜାର ଟଙ୍କା କର୍ପୋରେଟ୍ ଡିସକାଉଣ୍ଟ ଭାବେ ମିଳିବ । ସ୍ୱିଫ୍ଟ ପେଟ୍ରୋଲ ଉପରେ ୩୭୦୦୦ ଟଙ୍କା ଓ ଡିଜାୟାରର ପେଟ୍ରୋଲ ଭାରିଆଣ୍ଟ ଉପରେ ୩୫୦୦୦ ଟଙ୍କା ରିହାତି ଦେଉଛି କମ୍ପାନୀ ।ଆହୁରି ମଧ୍ୟ ବ୍ରିଜା ଉପରେ ୪୧୦୦୦ ଟଙ୍କା, ମାରୁଡି ସୁଜୁକିର ଡିଜାୟାର ସିଏନଜି ଭାରିଏଣ୍ଟ ଉପରେ ୫୪ ହଜାର ଟଙ୍କା ରିହାତି ମିଳୁଛି । ସେଲେରିଓ ଉପରେ ୫୨୦୦୦ ଟଙ୍କାର ରିହାତି କମ୍ପାନୀ ପ୍ରଦାନ କରୁଛି ।

ସୂଚନାଯୋଗ୍ୟ, କମ୍ପାନୀ ଗତ ନଭେମ୍ବରରେ ୧,୨୫,୭୭୫ଟି କାର୍ ବିକ୍ରି କରିଛି । ଯାହା ଅନ୍ୟ କମ୍ପାନୀ ତୁଳନାରେ ଢେର୍ ଅଧିକ । କାର୍ ମାର୍କେଟରେ ମାରୁତି ସୁଜୁକିର ସେୟାର ହେଉଛି ୪୭.୪୦ ପ୍ରତିଶତ ।

Show More
Back to top button