ବେକରେ ମାରଣାସ୍ତ୍ର ଲଗାଇ ମହିଳାଙ୍କଠୁ ସୁନା ଚେନ୍ ଲୁଟ୍

ସତ୍ୟଶିଖା (ଭୁବନେଶ୍ୱର) ୦୯/୦୨/୨୦୨୧ :  ବେକରେ ମାରଣାସ୍ତ୍ର ଲଗାଇ ମହିଳାଙ୍କଠାରୁ ଲୁଟ୍ । ଭୁବନେଶ୍ୱର ସ୍ଥିତ ଝାରପଡା ଜେଲ୍ ସମ୍ମୁଖରୁ ମହିଳାଙ୍କ ବେକରୁ ସୁନା ଚେନ୍ ଝାମ୍ପି ନେଇଛନ୍ତି ଦୁର୍ବୃତ୍ତ । ଘଟଣାସ୍ଥଳରେ କମିଶନରେଟ୍ ପୋଲିସ ପହଞ୍ଚି ଛାନଭିନ୍ ଆରମ୍ଭ କରିଛି । ସୂଚନାଯୋଗ୍ୟ ଯେ, ଝାରପଡା ଅଞ୍ଚଳର ମନୋରମା ସାହୁ ନାମକ ମହିଳା ମଙ୍ଗଳବାର ସକାଳୁ ମର୍ଣ୍ଣିଂ ୱାକ୍‌ରେ ଯାଉଥିବା ବେଳେ ଝାରପଡା ଜେଲ୍ ସମ୍ମୁଖରୁ ତାଙ୍କଠାରୁ ଲୁଟ୍ ହୋଇଛି । ମହିଳାଙ୍କ ବେକରେ ମାରଣାସ୍ତ୍ର ଲଗାଇ ସୁନା ଚେନ୍ ଝାମ୍ପି ନେଇଛନ୍ତି ଦୁର୍ବୃତ୍ତ । କଳା ପଲସରରେ ୩ ଜଣ ଲୁଟେରା ଆସିଥିବା ସୂଚନା ମିଳିଛି । ଏ ନେଇ ମହିଳା ଜଣଙ୍କ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ପାଇବା ପରେ ଘଟଣାସ୍ଥଳରେ କମିଶନରେଟ୍ ପୋଲିସ ପହଞ୍ଚି ଛାନଭିନ୍ ଜାରି ରଖିଛି ।