ସତ୍ୟଶିଖା(ଭୁବନେଶ୍ୱର )୨୭.୦୨.୨୦୨୧: ବିଧାନସଭାରେ ଉଠିଲା ପେଟ୍ରୋଲ ଓ ଡିଜେଲ ବୃଦ୍ଧି । ଶୁନ୍ୟକାଳରେ ଏହି ପ୍ରସଙ୍ଗ ଉଠାଇଲେ କଂଗ୍ରେସ ବିଧାୟକ ଦଳ ନେତା । ପେଟ୍ରୋଲ ଡିଜେଲ ରନ୍ଧନ ଗ୍ୟାସ ଦର ବୃଦ୍ଧିକୁ ନେଇ କେନ୍ଦ୍ର ଉପରେ ବର୍ଷିଛନ୍ତି ନରସିଂହ ମିଶ୍ର ।
କଂଗ୍ରେସ ବିଧାୟକ ଦଳ ନେତାଙ୍କ ମତରେ, ଅଶୋଧିତ ତୈଳ ଦର କମ ଥିବା ବେଳେ ପେଟ୍ରୋଲ-ଡିଜେଲ୍ ଦର ବୃଦ୍ଧିକୁ ନେଇ ପ୍ରଶ୍ନ ଉଠାଇଛନ୍ତି । ପଡୋଶୀ ଦେଶମାନଙ୍କରେ କମ ଦାମରେ ପେଟ୍ରୋଲ-ଡିଜେଲ ମିଳୁଥିବା ବେଳେ ଭାରତରେ କାହିଁକି ମିଳୁନି ବୋଲି କଲେ ପ୍ରଶ୍ନ କରିଛନ୍ତି । ଆରବିଆଇ ଗଭର୍ଣର କହୁଛନ୍ତି ଟିକସ କମାଓ ବୋଲି , ହେଲେ କେହି କଣ ଜାଣିପାରୁନାହାନ୍ତି କି। କେନ୍ଦ୍ରର ଦାୟିତ୍ୱ ଅଧିକ। ଏପରି କହି କେନ୍ଦ୍ରକୁ ଟାର୍ଗେଟ କରିଛନ୍ତି ନରସିଂହ ମିଶ୍ର ।
ସେହିପରି ତୈଳ ସାମଗ୍ରୀକୁ ଜିଏସଟିରେ କାହିଁକି ଅନ୍ତର୍ଭୁକ୍ତ କରାଗଲାନି। ପୂର୍ବରୁ ମଧ୍ୟ ଗୃହରେ ମଦ ଓ ପେଟ୍ରୋଲ-ଡିଜେଲକୁ ଜିଏସଟିରେ ଅନ୍ତର୍ଭୁକ୍ତ କରିବା ପାଇଁ କୁହାଯାଇଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ କିଛି ନିଷ୍ପତ୍ତି ହୋଇପାରିଲାନି । ଖାଲି କଥା ନୁହେଁ କାମରେ କରିବା ଦରକାର। ୟୁପିଏ ସରକାର ସମୟରେ ପେଟ୍ରୋଲ ଡିଜେଲ ଦରବୃଦ୍ଧି ବେଳେ ଯିଏ ଦେଶଦ୍ରୋହୀ ବୋଲି କହୁଥିଲା, ସେ କୁହନ୍ତୁ ଏବେ କିଏ ଦେଶଦ୍ରୋହୀ। ଉଭୟ କେନ୍ଦ୍ର ଓ ରାଜ୍ୟସରକାର ଟିକସ କମାନ୍ତୁ। ଦର ନିୟନ୍ତ୍ରଣ କରିବା ଉଭୟ କେନ୍ଦ୍ର ଓ ରାଜ୍ୟସରକାରଙ୍କ ଦାୟିତ୍ୱ।
