ଗହଣା ବେପାରୀଙ୍କଠୁ ଛଡାଇ ନେଉଥିଲେ ସୁନା ଓ ରୂପା ଅଳଙ୍କାର

ସତ୍ୟଶିଖା ୧୩/୦୨/୧୦୨୧ : ମୟୁରଭଞ୍ଜ ଜିଲ୍ଲା ଯଶୀପୁର ଥାନା ଧୋବାଡ଼ିହା ଅଞ୍ଚଳରେ ଲୁଟ୍ ଉଦ୍ୟମ । ଗହଣା ବେପାରୀଙ୍କଠାରୁ ସୁନା ଓ ରୂପା ଛଡାଇ ନେବାବେଳେ ଅଭିଯୁକ୍ତକୁ କାବୁ କଲେ ସ୍ଥାନୀୟ ଲୋକେ । ପରେ ଅଭିଯୁକ୍ତକୁ ପୋଲିସର ଜିମାଦେଇଛନ୍ତି । ସୂଚନାଯୋଗ୍ୟ ଯେ, ଶୁକ୍ରବାର ବିଳମ୍ବିତ ରାତିରେ ଦୋକାନରୁ ଘରକୁ ଫେରିବା ସମୟରେ ଗହଣା ବେପାରୀଙ୍କୁ ପଛପଟୁ ଆକ୍ରମଣ କରିଥିଲେ । ତାଙ୍କଠାରୁ ୨.୭୫ କେଜି ରୂପା ସହ ୩୦ ଗ୍ରାମ ସୁନା ଲୁଟି ନେବାକୁ ଉଦ୍ୟମ କରୁଥିଲେ । ଏହି ସମୟରେ ବେପାରୀ ଜଣଙ୍କ ପାଟି କରିବାରୁ ସ୍ଥାନୀୟ ଲୋକ ରୁଣ୍ଡ ହୋଇଯାଇଥିଲେ । ଅଭିଯୁକ୍ତକୁ କାବୁ କରି ପୋଲିସର ଜିମା ଦେଇଛନ୍ତି ସ୍ଥାନୀୟ ଲୋକେ । ଅଭିଯୁକ୍ତ ଜଣକ ଯାଜପୁର ଅଞ୍ଚଳର ବୋଲି ଯଶୀପୁର ପୋଲିସ ସୂଚନା ଦେଇଛି ।