

ସତ୍ୟଶିଖା (ଭୁବନେଶ୍ୱର) ୦୭.୦୨.୨୦୨୨: ଆଉ ଦିନ କେଇଟା ପରେ ରାଜ୍ୟରେ ପଞ୍ଚାୟତ ନିର୍ବାଚନ । ଯାହା ପୂର୍ବରୁ ଆଜି ବସିବାକୁ ଯାଉଛି ପ୍ରସ୍ତୁତି ବୈଠକ । ରାଜ୍ୟରେ ସବୁ ଜିଲ୍ଲାରେ ନିର୍ବାଚନ ପ୍ରସ୍ତୁତିକୁ ନେଇ ଆଜି ଭିଡିଓ କନଫରେନ୍ସିଙ୍ଗରେ ଆଲୋଚନା କରିବେ ନିର୍ବାଚନ ଆୟୋଗ।
କୋଭିଡ୍ ଗାଇଡଲାଇନ୍ କୋହଳ ଓ ମତଦାନ ପ୍ରସ୍ତୁତି ନେଇ ବୈଠକରେ ହେବ ଆଲୋଚନା । ଭୋଟିଂ ବୁଥ୍ରେ କିଭଳି କରୋନା କଟକଣା ପାଳନ କରାଯିବ ତାକୁ ନେଇ ମଧ୍ୟ ବୈଠକରେ ଆଲୋଚନା ହେବ ।
ବୈଠକରେ ନିର୍ବାଚନ ଆୟୋଗଙ୍କ ସମେତ ସବୁ ଜିଲ୍ଲାର ଜିଲ୍ଲାପାଳ, ବରିଷ୍ଠ ଅଧିକାରୀ ମାନେ ଯୋଗ ଦେବେ । ରାଜ୍ୟ କେଉଁଭଳି ସୂଚାରୁ ଓ ସଠିକ୍ ଭାବରେ ପଞ୍ଚାୟତ ନିର୍ବାଚନରେ ମତଦାନ ଓ ଭୋଟ୍ ଗଣନା ପ୍ରକ୍ରିୟା ଶେଷ ହେବ ତାହା ଏହି ବୈଠକର ମୁଖ୍ୟ ପ୍ରସଙ୍ଗ ରହିବ ବୋଲି ସୂଚନା ରହିଛି ।