ସତ୍ୟଶିଖା(ନୟାଗଡ଼ )୦୫.୧୦ .୨୦୨୧: ଛେନାପୋଡ଼ କ୍ଷେତ୍ରରେ ସାରା ଓଡ଼ିଶାରେ ପ୍ରସିଦ୍ଧି ଲାଭ କରିଛି ନୟାଗଡ l କାହିଁ କେଉଁ କାଳରୁ ପ୍ରସିଦ୍ଧ ଏହି ଛେନାପୋଡ ଖାଇବାକୁ ଲୋକଙ୍କ ମଧ୍ୟରେ ଯେତିକି ଲାଳସା ଏହାର ବିକ୍ରି ମଧ୍ୟ ସେତେ ଅଧିକା । ଜିଲ୍ଲାର ପ୍ରାୟ ଅଧିକାଂଶ ବ୍ୟବସାୟୀ ଛେନାପୋଡ ବିକ୍ରି କରି ନିଜ ପରିବାର ପ୍ରତିପୋଷଣ କରିଆସୁଛନ୍ତି । ହେଲେ ଦୁଃଖର ବିଷୟ, ପାଟିକୁ ସୁଆଦ ଲାଗୁଥିବା ଏହି ବ୍ୟଞ୍ଜନ ଶିଳ୍ପକୁ ଭୁଲି ଯାଇଛନ୍ତି ରାଜ୍ୟ ସରକାର । ନୟାଗଡ ଛେନାପୋଡ ଉତ୍ପାଦନ ବୃଦ୍ଧି ପାଇଁ କୌଣସି ପଦକ୍ଷେପ ଗ୍ରହଣ କରାଯାଉନାହଁ । ଯଦି ସରକାରୀ ସ୍ତରରେ କୌଣସି ପ୍ରୋତ୍ସାହନ ମିଳନ୍ତା ତେବେ ଛେନାପୋଡ଼ର ସ୍ୱତନ୍ତ୍ରତା ବଜାୟ ରହିବା ସହ ଏହାର ଉତ୍ପାଦନ ମଧ୍ୟ ବୃଦ୍ଧି ପାଆନ୍ତା l ସେଥିପାଇଁ ନୟାଗଡ଼ର ପ୍ରସିଦ୍ଧ ଛେନାପୋଡ଼କୁ ରାଜ୍ୟ ସରକାର ଜିଆଇ ମାନ୍ୟତା ଦେବାକୁ ପ୍ରୟାସ କରିବା ସହ ଛେନାପୋଡ଼ ବ୍ୟବସାୟୀଙ୍କୁ ପ୍ରୋତ୍ସାହନ ଦେବାକୁ ଉଠିଛି ଦାବି l
