ସତ୍ୟଶିଖା(କେନ୍ଦୁଝର ) ୧୦.୦୮ .୨୦୨୧: ଆଜି ଖୋଲିବ କେନ୍ଦୁଝର ଘଟଗାଁ ମା’ ତାରିଣୀ ପୀଠ । ଏନେଇ ମନ୍ଦିର ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । କରୋନା କଟକଣା ମାନି ମା’ଙ୍କୁ ଦର୍ଶନ କରିବେ ଭକ୍ତ । ପୂଜା ସମାଗ୍ରୀ ସହ ବୟସ୍କ ଓ ଛୋଟପିଲାଙ୍କୁ ମନ୍ଦିର ପ୍ରବେଶକୁ ବାରଣ କରାଯାଇଛି ।
କେନ୍ଦୁଝର ଜିଲ୍ଲାରେ ଆଜିଠୁ ସମସ୍ତ ମନ୍ଦିର ଖୋଲିବା ନେଇ ଜିଲ୍ଲାପାଳ ନୂତନ ଏସଓପି ଜାରି କରିଛନ୍ତି । ଏସଓପି ପାଳନ ସହ ମା’ ତାରିଣୀଙ୍କ ମନ୍ଦିର ଖୋଲାଯାଉଛି । ସମସ୍ତ କୋବିଡ଼ କଟକଣା ମଧ୍ୟରେ ସରକାରଙ୍କ ନିୟମ ମାନି ଭକ୍ତମାନେ ମା’ଙ୍କ ଦର୍ଶନକରି ପାରିବେ ବୋଲି ମନ୍ଦିର ଟ୍ରଷ୍ଟ ପକ୍ଷରୁ କୁହାଯାଇଛି ।
