ସତ୍ୟଶିଖା(ଭୁବନେଶ୍ୱର) ୨୮.୦୭.୨୦୨୧: ମଣିଷ ପ୍ରକୃତିକୁ ଦେଉଥିବା କଷ୍ଟକୁ ଅନୁତାପ କରିବାର ଆଜି ଦିନଟିଏ । ଅର୍ଥାତ ଆଜି ବିଶ୍ବ ପ୍ରକୃତି ସଂରକ୍ଷଣ ଦିବସ । ତେବେ କେବଳ ଯେ ଅନୁତାପ କଲେ ଚଳିବନି, ପ୍ରକୃତିର ରକ୍ଷଣା ବେକ୍ଷଣା ଏବଂ ସୁରକ୍ଷା ପାଇଁ ଠୋସ୍ ପଦକ୍ଷେପ ଗ୍ରହଣ କରିବାକୁ ପଡିବ । ଧିରେ ଧିରେ ମାନବ ସମାଜ ବୈଶୟିକ ଜ୍ଞାନ କୌଶଳ ଉପରେ ସମ୍ପୂର୍ଣ୍ଣ ନିର୍ଭରଶୀଳ ହେବା ସାଙ୍ଗକୁ ପ୍ରଯୁକ୍ତି ବିଦ୍ୟାର ଦ୍ରୁତ ବୃଦ୍ଧି ପରିବେଶ ପ୍ରଦୂଷଣର ମୁଖ୍ୟ କାରଣ ପାଲଟିଛି । ଏଥିପାଇଁ ପ୍ରାକୃତିକ ସାମଗ୍ରୀର ଯଥା ସମ୍ଭବ ବ୍ୟବହାର ଏବଂ କୃତ୍ରିମ ସାମଗ୍ରୀର ବ୍ୟବହାରଠୁ ଦୂରେଇ ରହିବା ଆବଶ୍ୟକତା ପଡିଛି ।
ପ୍ରକୃତି ସୁରକ୍ଷା ପାଇଁ ପ୍ରଥମେ ମୃତ୍ତିକା ସଂରକ୍ଷଣ ଏକାନ୍ତ ଆବଶ୍ୟକ । ମୃତ୍ତିକା ସଂରକ୍ଷିତ ରହିଲେ ଆପେ ଆପେ ବୃକ୍ଷ, ଲତା ସୁରକ୍ଷିତ ରହିବେ ଏବଂ ବୃକ୍ଷ, ଲତା ସୁରକ୍ଷିତ ରହିଲେ ଏକ ସୁନ୍ଦର ପରିବେଶ ସୃଷ୍ଟି ହେବ । ତେଣୁ ପ୍ରାକୃତିକ ଉପାୟରେ ଖାଦ୍ୟ ଉତ୍ପାଦନ, ଯାନ୍ତ୍ରିକ ଜ୍ଞାନ କୌଶଳର ସୀମିତ ବ୍ୟବହାର ପାଇଁ ସଯାଗ ହେବାକୁ ପଡିବ । ଆଜିର ଏହି ପ୍ରକୃତି ସଂରକ୍ଷଣ ଦିବସରେ ପ୍ରତିଟି ମାନବ ନିଜ ପାଇଁ ଏବଂ ଆଗାମୀ ପିଢିର ସୁନ୍ଦର ଜୀବନ ଯାପନ ପାଇଁ ଦାୟିତ୍ବବାନ ହେଉ ବୋଲି କାମନା ।
