ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜିଠାରୁ ୩ ଦିନିଆ ଉତ୍ତର ପ୍ରଦେଶ ଗସ୍ତ କରିବେ। ଏହି ଗସ୍ତରେ ସେ ଏକାଧିକ କାର୍ଯ୍ୟକ୍ରମରେ ଅଂଶଗ୍ରହଣ କରିବେ। ଏହି ଗସ୍ତ କାଳରେ ମୋଦୀ ଅନେକ ପ୍ରକଳ୍ପ ଉଦ୍ଘାଟନ କରିବେ। ଏଥି ସହିତ ସେ ଜନସଭାକୁ ମଧ୍ୟ ସମ୍ବୋଧନ କରିବାର କାର୍ଯ୍ୟକ୍ରମ ରହିଛି।
ପ୍ରଧାନମନ୍ତ୍ରୀ ମୋଦୀ ଆଜି ଉତ୍ତର ପ୍ରଦେଶର ମୋହବା ଓ ଝାନ୍ସୀ ଯିବେ। ସେ ଅପରାହ୍ନ ୨ଟାରେ ଖୁଜରାହୋ ବିମାନବନ୍ଦରରେ ପହଞ୍ଚିବେ। ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଆଜି ଠାରୁ ଡିଜିପିଙ୍କ ସମ୍ମିଳନୀ ଆରମ୍ଭ ହେଉଛି। ଏହି ସମ୍ମିଳନୀରେ ମୋଦୀ ସାମିଲ ହେବେ। ଗୃହମନ୍ତ୍ରୀ ଅମିତ ଶାହ ଓ ଏନ୍ଏସ୍ଏ ଅଜିତ ଡୋଭାଲ ମଧ୍ୟ ଏହି ସମ୍ମିଳନୀରେ ଯୋଗଦେବେ। ବୈଠକରେ ଅର୍ଦ୍ଧ ସୈନିକ ବଳର ଡିଜି ମଧ୍ୟ ଅଂଶଗ୍ରହଣ କରିବେ। ଏହି ବୈଠକ ନଭେମ୍ବର ୨୧ ଯାଏଁ ଜାରି ରହିବ।
ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଜାତୀୟ ଗଣମାଧ୍ୟମକୁ ମିଳିଥିବା ସୂଚନା ଅନୁସାରେ ପ୍ରଧାନମନ୍ତ୍ରୀ ମୋଦୀଙ୍କ ଏହି ଗସ୍ତ କାଳରେ ମୋଟ ୬୨୫୦ କୋଟି ଟଙ୍କାରେ ନିର୍ମିତ ପ୍ରକଳ୍ପର ଲୋକାର୍ପଣ ହେବ।
