ସତ୍ୟଶିଖା( ଭୁବନେଶ୍ୱର) ୨୩/୦୨/୨୦୨୧ : ମାର୍ଚ୍ଚ 3ରୁ ଆରମ୍ଭ ହେବାକୁ ଯାଉଛି ମେଜର ସନ୍ଦୀପ ମହାପାତ୍ର ସ୍ମାରକୀ ଅଲ ଇଣ୍ଡିଆ ଓପନ ଟେନିସ ଚମ୍ପିଆନସିପ । ପ୍ରଥମ ଥର ପାଇଁ ଭୁବନେଶ୍ବର ଉପକଣ୍ଠ ମେଣ୍ଢାଶାଳ ଗୁରୁକୂଳ ଟେନିସ ରିସୋର୍ଟରେ ଏହି ସମ୍ମାନଜନକ ଟୁର୍ଣ୍ଣାମେଣ୍ଟ ଖେଳାଯିବ । ମାର୍ଚ୍ଚ 3 ତାରିଖରୁ ମାର୍ଚ୍ଚ 7 ତାରିଖ ପର୍ଯ୍ୟନ୍ତି ଏହି ପ୍ରତିଯୋଗିତା ଖେଳାଯିବ। ପ୍ରତିଯୋଗିତାରେ ରାଜ୍ୟ ତଥା ରାଜ୍ୟ ବାହାରରୁ ଅନେକ ପ୍ରତିଯୋଗୀ ଅଶଂଗ୍ରହଣ କରିବେ। ପାଖାପାଖି 100ରୁ ଅଧିକ ପ୍ରତିଯୋଗୀ ଏହି ପ୍ରତିଯୋଗିତାରେ ସାମିଲ ହେବେ। ଗୁରୁକୁଳ ଟେନିସ ରିସୋର୍ଟରେ ରହିବା ଖାଇବା ସହ ଜିମ୍ ଓ ଅନ୍ୟାନ୍ୟ ସମସ୍ତ ସୁବିଧା ଥିବାରୁ ରାଜ୍ୟ ବାହାରୁ ଏହି ପ୍ରତିଯୋଗିତାରେ ସାମିଲ ହେବା ପାଇଁ ଅନେକ ଖେଳାଳି ନିଜ ନାଁ ପଞ୍ଜିକୃତ କରିଛନ୍ତି। 5ଟି ବର୍ଗରେ ବିଭକ୍ତ ହୋଇଛି ଟୁର୍ଣ୍ଣାମେଣ୍ଟ। ପୁରୁଷ ଏକକ, ମହିଳା ଏକକ, 16 ବର୍ଷରୁ କମ ବାଳକ, 16 ବର୍ଷରୁ କମ ବାଳିକା, ପୁରୁଷ ଡବଲ୍ସରେ ମ୍ୟାଚ୍ ଖେଳାଯିବ। ପୁରସ୍କାର ରାଶି 1 ଲକ୍ଷ 70 ହଜାର ଟଙ୍କା ରହିଛି। ପୁରୁଷ ଏକକରେ ସବୁଠୁ ଅଧିକ ପୁରୁସ୍କାର ରାଶି ରହିଛି। ପୁରୁଷ ଏକକରେ ବିଜେତାଙ୍କୁ 30 ହଜାର ଓ ଉପବିଜେତାଙ୍କୁ 15 ହଜାର ଟଙ୍କା ରହିଛି । ସାମ୍ବାଦିକ ସମ୍ମିଳନୀରେ ଗୁରୁକୂଳ ଟେନିସ ରିସୋର୍ଟର ମୁଖ୍ୟ ଚିନ୍ମୟ ପ୍ରଧାନ, ଏକାଡେମୀର ନିର୍ଦ୍ଦେଶକ ସନ୍ତୋଷ ମଲ୍ଲିକଙ୍କ ସହ ମେଜର ସନ୍ଦୀପ ମହାପାତ୍ରଙ୍କ ପିତା ଜେ.ବି ମହାପାତ୍ର ଉପସ୍ଥିତ ଥିଲେ।
