ସତ୍ୟଶିଖା(ନୂଆଦିଲ୍ଲୀ ) ୨୧.୦୫.୨୦୨୧: ଦେଶରେ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଭାରତୀୟ ବ୍ୟାଙ୍କ ସଂଘ (ଆଇବିଏ) ସାରା ଦେଶର ବ୍ୟାଙ୍କ ମାନଙ୍କୁ କାର୍ଯ୍ୟ ନିର୍ଘଣ୍ଟ କମ୍ କରିବାକୁ ପରାମର୍ଶ ଦେଇଛି । ଆଇବିଏର ପରାମର୍ଶ ମୁତାବକ କେବଳ ସକାଳ ୧୦ ଟାରୁ ଦିନ ୨ ଟା ପର୍ଯ୍ୟନ୍ତ ବ୍ୟାଙ୍କ ଖୋଲା ରହିବ । ବ୍ୟାଙ୍କ କର୍ମଚାରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଗତମାସ ରାଜ୍ୟସ୍ତରୀୟ ବ୍ୟାଙ୍କର୍ସ ସମିତିର ସଂଯୋଜକ କହିଥିଲେ କି ଦେଶରେ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ବ୍ୟାଙ୍କ ଶାଖା ମାନଙ୍କର ମାନକ ପରିଚାଳନା ପ୍ରକ୍ରିୟା (ଏସ୍ .ଓ.ପି) ର ପରିବର୍ତ୍ତନ କରାଯାଇ ପାରିବ ।
ଏଭଳି ନିର୍ଦ୍ଦେଶ ଆସିବା ପରେ ଦେଶର ସବୁଠାରୁ ବଡ ବ୍ୟାଙ୍କ୍ ‘ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ’ ସହିତ ଅନ୍ୟ ସରକାରୀ ଓ ଘରୋଇ ବ୍ୟାଙ୍କମାନେ ଏହି ନିୟମ ଲାଗୁ କରିଦେଇଛନ୍ତି । କହିରଖୁ କି ରାଜ୍ୟମାନଙ୍କରେ କରୋନାର ସ୍ଥିତି ଅନୁଧ୍ୟାନ କରି ରାଜ୍ୟ ବ୍ୟାଙ୍କର୍ସ ସମିତି କେଉଁ କେଉଁ କ୍ଷେତ୍ରରେ ଏହା ଲାଗୁ କରିବ ତାହା ସେମାନେ ନିଷ୍ପତ୍ତି କରିବେ । ଏହି ନିୟମ ଚଳିତମାସ ୩୧ ତାରିଖ ପର୍ଯ୍ୟନ୍ତ ବଳବତ୍ତର ରହିବ ବୋଲି କୁହାଯାଇଛି ।
