ସତ୍ୟଶିଖା(ସାଲେପୁର) ୦୮ .୦୫.୨୦୨୧: ଚିନ୍ତା ବଢାଇଲାଣି କରୋନା । ସବ୍ଜେଲ୍ରୁ ପୁଣି ୯ଜଣ କଏଦୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଯାହାକୁ ମିଶାଇ ସାଲେପୁର ସବ୍-ଜେଲ୍ରେ ମୋଟ ୨୨ଜଣ କରୋନାରେ ଆକ୍ରାନ୍ତ ହୋଇଛନ୍ତି ।
ଖବର ଅନୁଯାୟୀ, ସାଲେପୁର ସବ- ଜେଲରେ ଜଣେ ବିଚାରଧୀନ କଏଦୀ ପଜିଟିଭି ଚିହ୍ନଟ ହୋଇଥିଲେ। ଏହାପରେ ସବ ଜେଲର କର୍ମଚାରୀ ଓ କଏଦୀଙ୍କୁ ମିଶାଇ ୬୨ଜଣଙ୍କ ସ୍ୱାବ ପରୀକ୍ଷା ହୋଇଥିଲା ବେଳେ ସେଥିରୁ ପ୍ରଥମେ ୧୨ ଜଣ ପଜିଟିଭ ଚିହ୍ନଟ ହୋଇଥିଲେ । ଏବେ ପୁଣି ଆଉ ୯ଜଣ ପଜିଟିଭ୍ ଚିହ୍ନଟ ହୋଇଛନ୍ତି । ଯାହାକୁ ମିଶାଇ ସବ୍ଜେଲ୍ରେ ମୋଟ ପଜିଟିଭ୍ ସଂଖ୍ୟା ୨୨ରେ ପହଁଚିଛି। ତେବେ କରୋନାରେ ଚିହ୍ନଟ ହୋଇଥିବା ଏହି ୨୨ କଏଦୀଙ୍କୁ ଅଲଗା ଅଲଗା ସ୍ୱତନ୍ତ୍ର ଆଇସୁଲେସନ ୱାର୍ଡରେ ରଖାଯାଇଛି ।
ତେବେ ପଜିଟିଭ ଥିବା କଏଦୀଙ୍କୁ ଏକ ସ୍ୱତନ୍ତ୍ର ସେଲରେ ରଖାଯାଇଛି । ପୁରା ଜେଲକୁ ସାନିଟାଇଜ଼ କରାଯାଇଛି। ସମସ୍ତଙ୍କ ସ୍ୱାସ୍ଥ୍ୟବସ୍ଥା ଉପରେ ସତର୍କ ଦୃଷ୍ଟି ରଖାଯାଇଛି। ନିୟମିତ ସ୍ୱାସ୍ଥ୍ୟ ପରୀକ୍ଷା ପାଇଁ ଏକ ଡାକ୍ତରୀ ଟିମ ଗଠନ ହୋଇଛି । ଏପ୍ରଯ୍ୟନ୍ତ କାହାରି ଦେହ ଖରାପ ହୋଇନଥିବା ଜେଲ୍ କର୍ତ୍ତୃପକ୍ଷରୁ ନିକଟରୁ ସୂଚନା ମିଳିଛି ।
