କାଶ୍ମୀରରେ ପ୍ରଥମ ଥର ପାଇଁ ଆୟୋଜନ ହେଲା ମହିଳା କାର୍ ରାଲି, ଉଦ୍ଦେଶ୍ୟ ଡ୍ରାଇଭିଂ ପ୍ରତି ଉତ୍ସାହିତ କରିବା l
ସତ୍ୟଶିଖା (ନୂଆଦିଲ୍ଲୀ) ୦୩/୧୦/୨୦୨୦ : ଜମ୍ମୁ-କାଶ୍ମୀରରେ ଧାରା ୩୭୦ ହଟିବା ପରେ ଏଠାକାର ସ୍ଥିତିରେ ସୁଧାର ଆସୁଛି । ଏହା ସହ ଏଠାକାର ଲୋକଙ୍କୁ ମଧ୍ୟ ସୁବିଧା ମିଳୁଛି । ଏହି କ୍ରମରେ ଏଠାରେ ରହୁଥିବା ମହିଳାଙ୍କୁ ଡ୍ରାଇଭିଂ ପାଇଁ ପ୍ରୋତ୍ସାହିତ କରିବା ପାଇଁ ଗୋଟିଏ ରାଲିର ଆୟୋଜନ କରାଯାଇଛି । ଗୋଟିଏ ଏନଜିଓ ଶ୍ରୀନଗର ଟ୍ରାଫିକ ପୋଲିସ ସହଯୋଗରେ ଏହାକୁ ଆୟୋଜନ କରିଛି। ଯେଉଁଥିରେ ମହିଳା ଡ୍ରାଇଭର ସେମାନଙ୍କର ଦକ୍ଷତା ଦେଖାଇଛନ୍ତି ।
ପୁରୁଷ ମହିଳାଙ୍କୁ ସମ୍ମାନ ଦେବା ଉଦ୍ଦେଶ୍ୟରେ ଏଡାକୁ ଆୟୋଜନ କରାଯାଇଛି । ଏହା ସହ ମହିଳାଙ୍କୁ ଡ୍ରାଇଭିଂ କ୍ଷେତ୍ରରେ ଉତ୍ସାହ ବଢ଼ାଇବା ପାଇଁ ଆୟୋଜନ କରାଯାଇ ଥିବା ଜଣେ ପ୍ରତିଯୋଗୀ କହିଛନ୍ତି । ଲୋକମାନେ କହନ୍ତି ମହିଳାମାନେ ଭଲ ଗାଡ଼ି ଚଳାଇ ପାରନ୍ତି ନାହିଁ । ମାତ୍ର ଯଦି ନାରୀ ଘର ଓ ଅଫିସ କାମ କରିପାରୁଛନ୍ତି ତେବେ ଡ୍ରାଇଭିଂ କାହିଁକି କରିପାରିବେ ନାହିଁ । ଏହି ଚିନ୍ତାଧାରାକୁ ଦୂର କରିବା ପାଇଁ ଏହାକୁ ଆୟୋଜନ କରାଯାଇଛି । ମହିଳା ପୁରୁଷଙ୍କ ଭଳି ମଧ୍ୟ ଭଲ ଗାଡ଼ି ଚାଳକ ଏହି କଥା ପ୍ରମାଣ କରିବାର ଏହି ରାଲି ଏକ ମାଧ୍ୟମ । ତେବେ ସାଧାରଣ ଜନତାଙ୍କୁ ସଚେତନ କରିବା ହେଉଛି ଏ ରାଲିର ମୁଖ୍ୟ ଉଦ୍ଦେଶ୍ୟ ।
