୭ ତାରିଖ ପର୍ଯ୍ୟନ୍ତ ବ୍ରିଟେନକୁ ବିମାନ ସେବା ବାତିଲ

ସୂଚନାଯୋଗ୍ୟ, ବ୍ରିଟେନରେ କରୋନାର ନୂଆ ଷ୍ଟ୍ରେନ ଯୋଗୁ ଦ୍ରୁତଗତିରେ ସଂକ୍ରମଣ ବୃଦ୍ଧି ପାଉଥିବାରୁ ଏହାକୁ ଦୃଷ୍ଟିରେ ରଖି ଭାରତ ସରକାର ଡିସେମ୍ବର ୩୧ ପର୍ଯ୍ୟନ୍ତ ବିମାନ ସେବା ବନ୍ଦ କରିବାକୁ ନିଷ୍ପତ୍ତି ନେଇଥିଲେ । କିନ୍ତୁ ଗତ ମଙ୍ଗଳବାର ୬ ବ୍ରିଟେନ ଫେରନ୍ତାଙ୍କଠାରେ ନୂଆ ଷ୍ଟ୍ରେନ ଠାବ ହୋଇଥିଲା । ଏହା ପରେ ବୁଧବାର ଆଉ ୧୪ ବ୍ରିଟେନ ଫେରନ୍ତାଙ୍କଠାରେ ଏହି ଷ୍ଟ୍ରେନ ଚିହ୍ନଟ ହୋଇଥିଲା । ଏହା ପରେ ବ୍ରିଟେନକୁ ବିମାନ ସେବା କଟକଣା ସମୟସୀମା ବୃଦ୍ଧି କରାଯାଇଛି ।ଗତ ମଙ୍ଗଳବାର ଯେଉଁ ୬ ନମୁନାରେ ବ୍ରିଟେନର ନୂଆ ଷ୍ଟେନ ଚିହ୍ନଟ ହୋଇଥିଲା ସେଥିରୁ ୩ଟି ନମୁନା  ବେଙ୍ଗାଲୁରୁର ନିମ୍‌ହାନ୍‌ସ ଲ୍ୟାବରେ ପରୀକ୍ଷା କରାଯାଇଥିବାବେଳେ ୨ଟି ନମୁନା ହାଇଦ୍ରାବାଦର ସିସିଏମବି ଏବଂ ଗୋଟିଏ ପୁଣେର ନ୍ୟାଶନାଲ ଇନ୍‌ଷ୍ଟିଚ୍ୟୁଟ୍‌ ଅଫ ଭାଇରୋଲୋଜିରେ ଚିହ୍ନଟ ହୋଇଥିଲା । ଆଜି ଚିହ୍ନଟ ହୋଇଥିବା ୧୪ ନମୁନାରୁ ଦିଲ୍ଲୀର ଏନସିଡିସି ଲ୍ୟାବରେ ସର୍ବାଧିକ ୮ ନମୁନାରୁ ନୂଆ ଷ୍ଟ୍ରେନ ଠାବ ହୋଇଛି । ସେହିପରି କଲକାତାର ଏନଆଇବିଜିରେ ଗୋଟିଏ ନମୁନା, ବେଙ୍ଗାଲୁରୁ ନିମ୍‌ହାନ୍‌ସରେ ୪ ଏବଂ ଆଇଜିଆଇବି ଲ୍ୟାବରେ ଗୋଟିଏ ନମୁନାରୁ ନୂଆ ଷ୍ଟ୍ରେନ ମିଳିଛି ।