ସତ୍ୟଶିଖା (କରଞ୍ଜିଆ) ୨୯.୦୩.୨୦୨୨: ୩ ଦିନ ହେଲାଣି ହୁ ହୁ ହୋଇ ଜଳୁଛି ଶିମିଳିପାଳ । ୩ଦିନ ହେଲାଣି କରଞ୍ଜିଆ ଶିମିଳିପାଳ ଅଭୟାରଣ୍ୟରେ ନିଆଁ ଲାଗିଛି । ଗତକାଲି ଗୁଡୁଗୁଡିଆ ତାଳବନ୍ଧ ରେଞ୍ଜରେ ନିଆଁ ଲାଗିଥିଲା । ତାଳବନ୍ଧ ରେଞ୍ଜର ୬ଟି ଓ ଚହଲା ରେଞ୍ଜର ଗୋଟିଏ ପଏଣ୍ଟରେ ନିଆଁ ଲାଗିଛି । ମୋଟ ୭ଟି ସ୍ଥାନରେ ଏହି ଭୟଙ୍କର ଅଗ୍ନିକାଣ୍ଡ ଘଟିଛି । ଏହି ନିଆଁର ପରିମାଣ ଦିନକୁଦିନ ବଢିବାରେ ଲାଗିଛି । ବନବିଭାଗ ନିଆଁ ଲିଭାଇବାକୁ ଉଦ୍ୟମ ଜାରି ରଖିଛି । ଏଥିପାଇଁ ଜଙ୍ଗଲ ଆଖପାଖରେ ଥିବା ଗାଁ’ ଗୁଡିକ ବିପଦଶଙ୍କୁଳ ଅବସ୍ଥାରେ ରହିଛି । ଜଙ୍ଗଲ ପ୍ରାଣୀମାନଙ୍କ ଜୀବନ ମଧ୍ୟ ବିପଦରେ ରହିଛି । ଅଗ୍ନିକାଣ୍ଡ ସ୍ଥାନରେ ବନବିଭାଗ ପହଞ୍ଚି ନିଆଁ ଲିଭାଇବାକୁ ଉଦ୍ୟମ ଜାରି ରଖିଛି ।
ଆଜି ଶିମିଳିପାଳରେ ନିଆଁ ଲଗାଇବା ଅଭିଯୋଗରେ ୫ଜଣଙ୍କୁ କରାଯାଇଛି । ଶିମିଳିପାଳ ଅଭ୍ୟାରଣ୍ୟର ନଅଣା ରେଞ୍ଜରେ ଶିକାର ପାଇଁ ନିଆଁ ଲଗାଇଥିବା ଅଭିଯୋଗ ହୋଇଛି । ୫ଜଣଙ୍କ ନିକଟରୁ ଶିକାରରେ ବ୍ୟବହୃତ କିଛି ସାମଗ୍ରୀ ଜବତ ହୋଇଛି । ଏନେଇ ଭିତର ଶିମିଳିପାଳର ଏସିଏପ ପ୍ରଦୀପ କୁମାର ଦେ ସୂଚନା ଦେଇଛନ୍ତି ।
ସୂଚନା ଅନୁସାରେ ଖରାର ପ୍ରଭାବ ଦିନକୁ ଦିନ ବଢ଼ିବାରେ ଲାଗିଛି । ପ୍ରାକୃତିକ ଭାବରେ ହେଉ କିମ୍ବା କୌଣସି କୃତ୍ରିମ କାରଣରୁ ହେଉ ଜଙ୍ଗଳରେ ଲାଗୁଛି ନିଆଁ । ଗତ ବର୍ଷ ଭୟାବହ ଅଗ୍ନିକାଣ୍ଡ ଯୋଗୁଁ ବହୁ ଗଛଲତା ଓ ପଶୁ ପକ୍ଷୀ ବିଶେଷ କରି ସରୀସୃପ ମାନଙ୍କର ମୃତୁ୍ୟ ଘଟିଥିଲା । ଯାହା ଆମ ପରିବେଶ ଉପରେ ବିଶେଷ ପ୍ରଭାବ ପକାଉଛି ।
