ଜରିମନା ଲାଗିଲା ଆମାଜନ ଉପରେ

ସତ୍ୟଶିଖା (ନୂଆଦିଲ୍ଲୀ) ୨୬/୧୧/୨୦୨୦ : ବିବାଦରେ ପୁଣି ଆମାଜନ। ଚର୍ଚ୍ଚାରେ ପୁଣି ଇ-କମର୍ସ ଓ୍ୱେବସାଇଟ ଆମାଜନ । ଏଥରେ ଲାଗିଛି ଫାଇନ୍‌ର କଇଁଛି ।  ନିଜ ପ୍ଲାଟଫର୍ମରେ ବିକ୍ରି ହୋଇଥିବା ଉତ୍ପାଦର ଉତ୍ପତି ନେଇ ତଥ୍ୟ ପ୍ରକାଶ ନକରିବାରୁ ଆମାଜନକୁ ଲାଗିଛି ଝଟ୍‌କା । ସରକାର ଆମାଜନ ଉପରେ ୨୫ହଜାର ଟଙ୍କାର ଜରିମାନା ଲଗାଇଛନ୍ତି ।  ସରକାରୀ ଆଦେଶ ମୁତାବିକ, ଆମାଜନକୁ ଜାରି ହୋଇଥିବା ନୋଟିସ୍‌ରେ କୌଣସି ସନ୍ତୋଷଜନକ ଉତ୍ତନ ନେଦାବରୁ, ତା ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି । ପ୍ରଥମ ଥର ଏଭଳି ଭୁଲ୍‌ ପାଇଁ ଆମାଜନ ଉପରେ ୨୫ହଜାର ଟଙ୍କାର ଜରିମାନା ଲଗାଯାଇଛି ।ଗତ ମାସରେ, ଉପଭୋକ୍ତା ମନ୍ତ୍ରଣାଳୟ ଫ୍ଲିପକାର୍ଟ-ଆମାଜନ ସମେତ ଅନେକ ଇ-କମର୍ସ କମ୍ପାନୀକୁ ନୋଟିସ୍ ଜାରି କରିଥିଲେ । ଯେଉଁଥିରେ ଉତ୍ପାଦର ଉତ୍ପତ୍ତି  ସ୍ଥଳ ସମେତ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସୂଚନା ପ୍ରକାଶ କରାଯାଇନଥିଲା। ଏଥିସହ ସମସ୍ତ ଇ-କମର୍ସ କମ୍ପାନୀଗୁଡିକରେ ଆଇନଗତ ମେଟ୍ରୋଲୋଜି ନିୟମ ପାଳନ କରିବାକୁ ମନ୍ତ୍ରଣାଳୟ ରାଜ୍ୟମାନଙ୍କୁ କହିଥିଲେ । ସମସ୍ତ କମ୍ପାନୀ ମନ୍ତ୍ରଣାଳୟକୁ ସେମାନଙ୍କର ଉତ୍ତର ପଠାଇଥିଲେ। କିନ୍ତୁ ମନ୍ତ୍ରଣାଳୟକୁ ଆମାଜନର ଉତ୍ତର ସନ୍ତୋଷଜନକ ମିଳିଲାନାହିଁ । ପ୍ଲିପକାର୍ଟ ଉପରେ କୌଣସି ଦଣ୍ଡବିଧାନ ଗ୍ରହଣ କରାଯାଇନଥିଲା ବୋଲି ଜଣେ ଅଧିକାରୀ କହିଛନ୍ତି ।କେନ୍ଦ୍ର ସରକାର ଅଗଷ୍ଟ ୧ ରୁ ସମସ୍ତ ଇ-କମର୍ସ କମ୍ପାନୀମାନଙ୍କ ଉପରେ ପ୍ରତ୍ୟେକ ଉତ୍ପାଦର ଉତ୍ପତିସ୍ଥଳୀ ଆଇନ ଲାଗୁ କରିଥିଲେ । ଏହା ଅଧୀନରେ, ସମସ୍ତ ଇ-କମର୍ସ କମ୍ପାନୀଗୁଡିକ କେଉଁ ଦେଶରେ ସେମାନଙ୍କ ସାମଗ୍ରୀ ବିକ୍ରି ହେଉଛି । ବିକ୍ରି ହେଉଥିବା ଉତ୍ପାଦଗୁଡ଼ିକ ପ୍ରସ୍ତୁତ କରାଯାଉଥିବା ସ୍ଥାନ ବିଷୟରେ ସୂଚନା ଦେବାକୁ ପଡ଼ିଥାଏ ।  ଏହିସବୁ ନିୟମ ପାଳନ କରିବା ପାଇଁ ଇ-କମର୍ସ କମ୍ପାନୀଗୁଡିକୁ ନିର୍ଦ୍ଦେଶ ଦିଆଯାଇଥିଲା । ଯଦି କେହି ଏହା ବିରୋଧରେ ଯିବ, ତେବେ ସେମାନଙ୍କୁ ବିରୋଦେ କାର୍ଯ୍ୟାନୁଷ୍ଠାନ ପାଇଁ ଏହି ଆଇନରେ ବ୍ୟବସ୍ଥା ରହିଛି । ଶିଳ୍ପ ଏବଂ ଆଭ୍ୟନ୍ତରୀଣ ବାଣିଜ୍ୟ ପ୍ରୋତ୍ସାହନ ବିଭାଗ (D.P.I.I.T) ଅନୁଯାୟୀ,  ସ୍ଥାନୀୟ ଉତ୍ପାଦକକୁ ପ୍ରୋତ୍ସାହିତ କରିବା ପାଇଁ ଏହି ନିୟମ କରାଯାଇଛି। ଯେ କେହି ବି ଏହା ବିରୋଧରେ ଯିବେ, ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ । ଏହିପ୍ରରିପେକ୍ଷୀରେ ଆମାଜନ ଉପରେ କାର୍ଯ୍ୟାନୁଷ୍ଠାନ ନିଆଯାଇଛି । କମ୍ପାନୀ ଏହି ଆଇନର ଉଲ୍ଲଂଘନ କରିଥିବା ଅଭିଯୋଗରେ ୨୫ହଜାର ଟଙ୍କାର ଜରିମାନା ଲଗାଇଛନ୍ତି ସରକାର ।