ସତ୍ୟଶିଖା(ଭୁବନେଶ୍ୱର) ୧୯ .୦୫.୨୦୨୧: ରାଜ୍ୟରେ ଆରମ୍ଭ ହୋଇଛି ଲକଡାଉନ ୨.୦ । ପୂର୍ବରୁ ପ୍ରଥମ ତାଲାବନ୍ଦରେ କଟକଣା କୋହଳ କରାଯାଇଥିଲା । ଅର୍ଥାତ ସକାଳ ସମୟରେ ୬ ଘଣ୍ଟା ଦୋକାନ ଖୋଲିବାକୁ ନିର୍ଦ୍ଦେଶନାମା ଥିଲା । ହେଲେ ଲୋକେ ନ ଚେତିବାରୁ ଏଥର କଟକଣା କଡାକଡି କରାଯାଇଛି । ଅର୍ଥାତ ୪ ଘଣ୍ଟା ଖୋଲା ରହିବ ଦୋକାନ । ଆଜି ଏହି ପରିପ୍ରେକ୍ଷୀରେ ରାଜଧାନୀର ବିଭିନ୍ନ ହାଟରେ ଚଢାଉ କରିଥିଲା କମିଶନରେଟ୍ ପୋଲିସ ।
ଅମାନିଆଙ୍କୁ ଚେତାଇବା ସହ ପାନେ ଦେଇଛି ପୋଲିସ । ବିଭିନ୍ନ ହାଟରେ ଚଢାଉ କରି ଅମାନିଆଙ୍କଠାରୁ ପୋଲିସ ଆଦାୟ କରିଛି ଫାଇନ । ୪ ନଂ ମାଛ ଓ ପରିବା ମାର୍କେଟ ବୁଲିଥିଲେ ଖୋଦ ଡିସିପି ଉମାଶଙ୍କର ଦାସ । ତେବେ ଏହି ସମୟରେ ଦେଖିବାକୁ ମିଳିଥିଲା କିଛି ଲୋକ ଗାଡି ନେଇ ମାର୍କେଟିଂ କରିବାକୁ ଆସିଥିଲେ । ଫଳରେ ତାଙ୍କଠାରୁ ଜୋରିମାନା ଆଦାୟ କରଛି ପୋଲିସ । ଗହଳି ହେଉଥିବା ସ୍ଥାନରେ ବ୍ୟବସାୟୀ ଓ ଲୋକଙ୍କୁ ତାଗିଦ୍ ମଧ୍ୟ କରାଯାଇଛି । ଆଗାମୀ ଦିନରେ ଏପରି ଚଢାଉ ଜାରି ରହବି ବୋଲି କମିଶନରେଟ ପୋଲିସ ସ୍ପଷ୍ଟ କରିଛି ।
