ସତ୍ୟଶିଖା( ନୂଆଦିଲ୍ଲୀ )୧୫.୦୯ . ୨୦୨୨: ଅଜୟ ଦେଭଗନ ଏବଂ ସିଦ୍ଧାର୍ଥ ମଲହୋତ୍ରାଙ୍କ ଅପକମିଂ ଫିଲ୍ମ ଥ୍ୟାଙ୍କ ଗଡ ଫିଲ୍ମ ରିଲିଜ୍ ହେବା ପୂର୍ବରୁ ବିବାଦ ଘେରରେ ଛନ୍ଦି ହୋଇଯାଇଛି। ଫିଲ୍ମର ଷ୍ଟାରକାଷ୍ଟରେ ସାମିଲ ହୋଇଥିବା ଅଜୟ ଦେଭଗନ, ସିଦ୍ଧାର୍ଥ ମଲହୋତ୍ରା ଏବଂ ଏହାର ନିର୍ଦ୍ଦେଶକ ଇନ୍ଦ୍ର କୁମାରଙ୍କ ବିରୋଧରେ ମାମଲା ରୁଜୁ ହୋଇଛି। ଧାର୍ମିକ ଭାବନାକୁ ଆଘାତ କରିଥିବା ଅଭିଯୋଗରେ ଏହି ମାମଲା ରୁଜୁ ହୋଇଥିବା ଜଣାପଡ଼ିଛି।
ପ୍ରକାଶ ଥାଉକି, ଥ୍ୟାଙ୍କ୍ ଗଡ ଫିଲ୍ମ ଟ୍ରେଲରରେ ଚିତ୍ରଗୁପ୍ତଙ୍କ ଭୂମିକାରେ ଅଜୟ ଦେଭଗନଙ୍କ ସମ୍ବାଦକୁ ନେଇ ସୋସିଆଲ ମିଡିଆରେ ବିବାଦ ସୃଷ୍ଟି ହୋଇଥିଲା। ଜୌନପୁରର ହିମାଂଶୁ ଶ୍ରୀବାସ୍ତବ ନାମକ ଜଣେ ବ୍ୟକ୍ତି ମୋନିକା ମିଶ୍ରଙ୍କ ଅଦାଲତରେ ଏକ ମାମଲା ରୁଜୁ କରିଥିଲେ।
ଅଭିଯୋଗକାରୀଙ୍କ କହିବା ଅନୁଯାୟୀ, ଫିଲ୍ମ ଟ୍ରେଲରରେ ଭଗବାନ ଚିତ୍ରଗୁପ୍ତଙ୍କ ଅପମାନ କରାଯାଇଛି। ଏହାଦ୍ଵାରା ଧାର୍ମିକ ଭାବନାକୁ ଆଘାତ ଲାଗିଛି। ଏହି ଫିଲ୍ମରେ ଚିତ୍ରଗୁପ୍ତଙ୍କୁ ଉପହାସ କରାଯାଇଛି। ଏଥିପାଇଁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ସେ ଦାବି କରିଛନ୍ତି। ପୁରାଣ ଅନୁସାରେ ଭଗବାନ ଚିତ୍ରଗୁପ୍ତଙ୍କୁ ନ୍ୟାୟର ଦେବତା କୁହାଯାଇଥାଏ। ମନୁଷ୍ୟର କର୍ମ ହିସାବରେ ତାକୁ ଦଣ୍ଡ କିମ୍ଵା ପୁରସ୍କାର ଦେବା କାମ ଚିତ୍ରଗୁପ୍ତ କରିଥାନ୍ତି। କାୟସ୍ଥ୍ୟ ସମାଜ ଚିତ୍ରଗୁପ୍ତଙ୍କୁ ପୂଜା କରନ୍ତି। ଏହା ତାଙ୍କର ଆସ୍ଥା ଏବଂ ବିଶ୍ଵାସକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି।
