ସତ୍ୟଶିଖା(ଭୁବନେଶ୍ୱର ) ୧୧.୦୮ .୨୦୨୧: ରାଜଧାନୀ ଭୁବନେଶ୍ୱରରେ ଅଣାୟତ୍ତ ହେଉଛି ଡେଙ୍ଗୁ । ସହରବାସୀଙ୍କୁ ନାକେଦମ କରୁଛି ବର୍ଦ୍ଧିତ ସଂକ୍ରମଣ । ଦିନକୁ ଦିନ ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା ବଢ଼ୁଥିବାବେଳେ ଏବେ ଘରେ ଘରେ ନାଗରିକ ଜ୍ୱରରେ ପୀଡ଼ିତ । ଏହି ଭିତରେ ରାଜଧାନୀ ଭୁବନେଶ୍ୱରରେ ଆକ୍ରାନ୍ତଙ୍କ ସଂଖ୍ୟା ହଜାରେ ଡେଇଁଛି । କରୋନା ସଂକ୍ରମଣ ସହ ଡେଙ୍ଗୁ ସଂକ୍ରମଣ ସ୍ଥିତି ଘାତକ ହେଉଥିବାବେଳେ ବିଏମ୍ସି ସହରରେ ଟାୟାର ସଫା କରିବାରେ ବ୍ୟବସ୍ଥ ଅଛି । ସେପଟେ ସଂକ୍ରମିତଙ୍କ ସଂଖ୍ୟା ବୃଦ୍ଧିପାଉଥିବାବେଳେ କ୍ୟାପିଟାଲ ହସ୍ପିଟାଲ୍ରେ ମାଳ ମାଳ ରୋଗୀ ଦୈନିକ ଜ୍ୱରରେ ପୀଡ଼ିତ ହୋଇ ଚିକିତ୍ସିତ ହେବା ପାଇଁ ଆସୁଛନ୍ତି ।
ପର୍ଯ୍ୟାପ୍ତ ଶଯ୍ୟା ନଥିବାରୁ ସେମାନେ ନାହିଁ ନଥିବା ସମସ୍ୟାର ସମ୍ମୁଖିନ ହେଉଛନ୍ତି । ଏହି ସ୍ଥିତିରେ ଆକ୍ରାନ୍ତଙ୍କ ଚିକିତ୍ସା ଦିଗରେ ମଧ୍ୟ କିଛି ତ୍ୱରିତ ପଦକ୍ଷେପ ଗ୍ରହଣ କରାଯାଉନଥିବା ଅଭିଯୋଗ ହୋଇଛି । ମଶା ବୃଦ୍ଧିର ଆଶଙ୍କା ଥିବା ୩୨ ହଜାରରୁ ଊର୍ଦ୍ଧ୍ୱ ସ୍ଥାନରେ ସଫେଇ କରାଯାଇଛି । ୩୨,୪୮୭ ଊର୍ଦ୍ଧ୍ୱ ସ୍ଥାନରେ ଏଡିସ୍ ମଶାର ଲାର୍ଭାକୁ ନଷ୍ଟ କରାଯାଇଛି । ସେହିପରି ୩୨,୮୧୩ ସ୍ଥାନରେ ପ୍ରଜନନ ଉତ୍ସ ମିଳିଥିବାବେଳେ ସେଗୁଡ଼ିକୁ ମଧ୍ୟ ବିଏମ୍ସି ନଷ୍ଟ କରିଛି । ବଡ଼କଥା ହେଲା ଏବେ ସୁଦ୍ଧଶ ସହରର ମୋଟ ୧୦,୨୭୬ ପରିବାରକୁ ବିଏମ୍ସି ସର୍ଭେଲାନ୍ସରେ ସାମିଲ କରିପାରିଛି । ଯେଉଁଥିରେ ମୋଟ ୪୨,୫୮୮ ଜଣ ନାଗରିକଙ୍କ ସ୍ୱାସ୍ଥ୍ୟବସ୍ଥା ୁପରେ ବିଏମ୍ସି ନଜର ରଖିଛି । ଏବେ ମଧ୍ୟ ବିଏମ୍ସି ତା’ର ସର୍ଭେଲାନ୍ସ ବଢ଼ାଇବାରେ ଅକ୍ଷମ ପାଲଟିଥିବା ନଜରକୁ ଆସିଛି ।
ବିଏମ୍ସି ପକ୍ଷରୁ ସର୍ଭେଲାନ୍ସ ପ୍ରକ୍ରିୟା ଧିମା ହୋଇଥିବାରୁ ସଂକ୍ରମଣ ବୃଦ୍ଧିପାଉଥିବା ଅଭିଯୋଗ ହୋଇଛି । ଏହି ମଧ୍ୟରେ ସହରରୁ ୭୦୬ ଆକ୍ରାନ୍ତ ସୁସ୍ଥ ହୋଇସାରିଥିବା ବିଏମ୍ସି ସୁଚନା ଦେଇଛି । ଡେଙ୍ଗୁ ପ୍ରକୋପକୁ ରୋକିବା ପାଇଁ ବିଏମ୍ସି ସଫେଇ ଓ ସଚେତନତା କାର୍ଯ୍ୟକ୍ରମକୁ ବ୍ୟାପକ କରିଛି । ଏବେ ଶୈଳଶ୍ରୀବିହାର ଓ ନିଳାଦ୍ରୀ ବିହାରକୁ ବାଦ୍ ଦେଇ ମଧ୍ୟ ଏକାଧିକ ସ୍ଥାନରୁ ବହୁ ସଂଖ୍ୟାରେ ଡେଙ୍ଗୁ ରୋଗୀ ଚିହ୍ନଟ ହେଉଛନ୍ତି, ଯାହାକି ବିଏମ୍ସି ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି । ଏବେ ଶୈଳଶ୍ରୀବିହାର ଓ ନିଳାଦ୍ରୀ ବିହାରକୁ ବାଦ୍ ଦେଇ ମଧ୍ୟ ଏକାଧିକ ସ୍ଥାନରୁ ବହୁ ସଂଖ୍ୟାରେ ଡେଙ୍ଗୁ ରୋଗୀ ଚିହ୍ନଟ ହେଉଛନ୍ତି, ଯାହାକି ବିଏମ୍ସି ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି। ବିଏମ୍ସି ପକ୍ଷରୁ ଡେଙ୍ଗୁ ଜ୍ୱର ପାଇଁ ଏକାଧିକ ସତର୍କ ସୂଚନା ଜାରି କରାଯାଇଛି । ଜ୍ୱର ସହ ମୁଣ୍ଡ, ହାତ ବିନ୍ଧା, ଦେହରେ ଲାଲ ଦାଗ, ବାନ୍ତି ଓ ମୁଣ୍ଡ ବିନ୍ଧା ହେଉଛି ଡେଙ୍ଗୁର ଲକ୍ଷଣ । ତେଣୁ ଏପରି ଲକ୍ଷଣ ଦେଖାଦେଲେ ତୁରନ୍ତ ଡାକ୍ତରଙ୍କ ସହ ପରାମର୍ଶ କରିବାକୁ କୁହାଯାଇଛି ।
