

ସତ୍ୟଶିଖା( ନୂଆଦିଲ୍ଲୀ )୧୮.୦୬. ୨୦୨୨ : ନନ୍ଦନକାନନ ପ୍ରାଣୀ ଉଦ୍ୟାନର ହାତୀ ଶାଳରେ ରହୁଥିବା ମାଈ ହାତୀ ‘ପ୍ରେମା’ ଅସୁସ୍ଥ ହୋଇପଡ଼ିଛି । କିଛିଦିନ ହେବ ତା’ର ଆଗ ଦୁଇ ଗୋଡ଼ରେ ଘା’ ହୋଇଯାଇଛି । ଘା’ ଦିନକୁ ଦିନ ବଢ଼ିବା ସହ ପୁଜ ପାଣି ବାହାରୁଛି । ଓୟୁଏଟି ପ୍ରଫେସରଙ୍କ ପରାମର୍ଶରେ ପ୍ରେମାର ଚିକିତ୍ସା କରାଯାଉଥିଲା ।
ଘା’ ଅଧିକ ବଢ଼ିଯିବାରୁ ସଫା କରିବା ସହିତ ସାଲାଇନ, ଆଣ୍ଟିବାୟୋଟିକ ଇଞ୍ଜେକ୍ସନ, ପେନ୍କିଲର ଓ ଭିଟାମିନ୍ ଦିଆଯାଇଛି । ଏବେ ପ୍ରତିଦିନ ଡ୍ରେସିଂ କରାଯିବା ସହିତ ଆଣ୍ଟିବାୟୋଟିକ ଇଞ୍ଜେକସନ ଦିଆଯିବ । ନନ୍ଦନକାନନ ପ୍ରାଣୀ ଉଦ୍ୟାନରେ ଏବେ ୪ଟି ହାତୀ ଅଛନ୍ତି । ସେମାନଙ୍କ ମଧ୍ୟରୁ ୩ ମାଈ ହାତୀ ବାସନ୍ତୀ, ପ୍ରେମା ଓ ହୀରା ହାତୀଶାଳରେ ରହୁଥିବା ବେଳେ ୪ବର୍ଷର ହାତୀ ମାମା ସ୍ୱତନ୍ତ୍ର ହାତୀଶାଳରେ ରହୁଛି।