ନୂଆ ସଫ୍ଟଓ୍ବେୟାର ଲଞ୍ଚ କଲା ଫେସବୁକ

ସତ୍ୟଶିଖା (ନୂଆଦିଲ୍ଲୀ) ୨୧/୧୦/୨୦୨୦ : ସୋସିଆଲ ମିଡ଼ିଆ ପ୍ଲାଟଫର୍ମ ଫେସବୁକ ଏକ ନୂଆ ସଫ୍ଟଓ୍ବେୟାର ଲଞ୍ଚ କରିଛି । ତେବେ ଏହା ଏକ ମେସିନ ଲଣ୍ଣିଂ ଆଧାରିତ ସଫ୍ଟଓ୍ବେୟାର ଯାହା ୧୦୦ ଭାଷାର ଇଂରାଜୀ ଅନୁବାଦ କରିବାକୁ ସକ୍ଷମ । ଏହା ସୋସିଆଲ ମିଡିଆରେ ୧୬୦ରୁ  ଅଧିକ ଭାଷାର କଣ୍ଟେଣ୍ଟକୁ ୟୁଜରଙ୍କ ଭାଷାରେ ଅନୁବାଦ କରିପାରିବ । ଫେସବୁକର କହିବା କଥା ଏହି ସଫ୍ଟଓ୍ବେୟାରର ଦୁଇ ଆରବରୁ ଅଧିକ ୟୁଜର ଲାଭ ଉଠାଇପାରିବେ । ଏହାକୁ ସଫଳ ଭାବେ ବିକଶିତ କରିବା ଦିଗରେ ଫେସବୁକ ରିସର୍ଚ ଟିମ ଦୀର୍ଘ ଦିନ ହେବ କାମ କରି ଆସୁଥିଲା । ଏହି ନୂଆ ଅନୁବାଦ ଟୁଲ ଅନ୍ୟ ଅନୁବାଦ ଟୁଲ ଠାରୁ ବହୁ ଗୁଣ ଉନ୍ନତ ।ସାଧାରଣତଃ ଚାଇନିଜ ଭାଷାକୁ ଫ୍ରେଞ୍ଚ ଲାଙ୍ଗୁଏଜରେ ଟ୍ରାନ୍ସଲେଟ୍ କରିବାକୁ ହେଲେ ଅଧିକାଂଶ ସଫ୍ଟଓ୍ବେୟାର ପ୍ରଥମେ ଚାଇନିଜ ଭାଷାକୁ ଇଂରାଜୀରେ ଅନୁବାଦ କରନ୍ତି ଓ ପୁଣି ଇଂରାଜୀରୁ ଫ୍ରେଞ୍ଚ ଭାଷାରେ ଅନୁବାଦ କରନ୍ତି । ଏହାର କାରଣ ହେଉଛି ଇଂରାଜୀ ଟର୍ନିଙ୍ଗ ଡାଟା ସହଜରେ ମିଳିଥାଏ ।ଫେସବୁକର ଏ ମଡେଲ କିନ୍ତୁ ଚାଇନିଜ ଭାଷାକୁ ସିଧା ଫ୍ରେଞ୍ଚରେ ଅନୁବାଦ କରିପାରିବ । ନ୍ୟୁଜ ଫିଡରେ ଯେଉଁ ଭାଷା ଥାଏ ସେଥିରୁ ପ୍ରାୟ ୨୦ ଆରବ କଣ୍ଟେଣ୍ଟ ୟୁଜର ଲାଙ୍ଗୁଏଜରେ ଟ୍ରାନସଲେଟ୍ କରାଯାଏ । ଏବେ ଏହି ନୂଆ ଟୁଲରେ ଫେସବୁକ ଅନୁବାଦ ଠିକ୍ ଆସିବ । ଫେସବୁକର ଏହି ନୂଆ ଟୁଲର ନାଁ ରହିଛି ‘facebookM2M-100’ ।