ଫାଟିଲା ସ୍କୁଲ ଗାଡ଼ି ରେଡିଏଟର, ୩ ଛାତ୍ର ଗୁରୁତର

ସତ୍ୟଶିଖା( କେନ୍ଦ୍ରାପଡ଼ା  )୧୬ .୦୩.୨୦୨୨ :  ସ୍କୁଲ ଗାଡ଼ିର ରେଡିଏଟର ଫାଟି ୩ ଛାତ୍ର ଗୁରୁତର ହୋଇଛନ୍ତି । ଗୁରୁତର ଛାତ୍ରମାନଙ୍କ ବୟସ ୫ରୁ ୭ ବର୍ଷ ମଧ୍ୟରେ ହୋଇଥିବା ବେଳେ ସେମାନେ ୨ୟ ଓ ୩ୟ ଶ୍ରେଣୀ ଛାତ୍ର ବୋଲି ଜଣାପଡ଼ିଛି। ଏପରି ଅଭାବନୀୟ ଘଟଣା ଆଜି କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇରେ ଘଟିଛି। ଆହତ ଛାତ୍ରମାନେ ମାର୍ଶାଘାଇସ୍ଥିତ ଏକ ଘରୋଇ ଇଂଲିଶ ମିଡିଅମ ସ୍କୁଲରେ ପଢ଼ୁଥିବା ଜଣାଯାଇଛି।

ଆଜି ସକାଳେ ପିଲାମାନେ ଗାଡ଼ିରେ ସ୍କୁଲ ଯାଉଥିଲେ। ଡ୍ରାଇଭର ସିଟ୍‌ ନିକଟରେ ୨ ପିଲା ବସିଥିବା ବେଳେ ଅନ୍ୟମାନେ ପଛରେ ବସିଥିଲେ।  ଗାଡ଼ିଟି ଅଧା ବାଟରେ ହୋଇଥିବା ବେଳେ ହଠାତ୍‌ ତାହାର ରେଡିଏଟର ଫାଟିଥିଲା। ଫଳରେ ଆଗରେ ବସିଥିବା ୨ ଛାତ୍ର ଓ ପଛରେ ବସିଥିବା ଜଣେ ଛାତ୍ର ଗୁରୁତର ହୋଇଥିଲେ।