କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ବଢିବ ମହଙ୍ଗା ଭତ୍ତା

ସତ୍ୟଶିଖା (ନୂଆଦିଲ୍ଲୀ) ୧୬/୧୧/୨୦୨୦ : ଚଳିତ ବର୍ଷ କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ଚଳିତ ବର୍ଷ ମହଙ୍ଗା ଭତ୍ତା ବୃଦ୍ଧି ନକରିବା ଲାଗି କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି । ସରକାର ଆଗାମୀ ବର୍ଷ ଜୁଲାଇ ମାସରେ ବୃଦ୍ଧି କରିବାକୁ ବିଚାର କରିପାରନ୍ତି । ସୂତ୍ର ଅନୁସାରେ କେନ୍ଦ୍ର ସରକାର ଜୁଲାଇ ମାସରେ କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ମହଙ୍ଗା ଭତ୍ତା ୪ ପ୍ରତିଶତ ବୃଦ୍ଧି କରିବା ପାଇଁ ବିଚାର କରୁଛନ୍ତି। ମାତ୍ର ଏ ନେଇ ବିଧିବଦ୍ଧ ଭାବେ କୌଣସି ଘୋଷଣା କରାଯାଇନାହିଁ । ମନି କଣ୍ଟ୍ରୋଲର ରିପୋର୍ଟ ଅନୁସାରେ ସରକାରଙ୍କ ଏହି ନିଷ୍ପତ୍ତି ଫଳରେ ପ୍ରାୟ ୫୦ ଲକ୍ଷ କେନ୍ଦ୍ର ସରକାରୀ କର୍ମଚାରୀ ଏବଂ ୬୧ ଲକ୍ଷ ପେନସନଭୋଗୀ ଉପକୃତ ହେବେ ।ସୂଚନା ଅନୁସାରେ କରୋନା ଭାଇରସ୍ ସଂକ୍ରମଣ ଯୋଗୁଁ ଆର୍ଥିକ ସଙ୍କଟ ଯୋଗୁଁ କେନ୍ଦ୍ର ସରକାର ଲକ୍ଷାଧିକ କର୍ମଚାରୀ ଏବଂ ପେନସନଭୋଗୀଙ୍କ ମହଙ୍ଗା ଭତ୍ତା ବୃଦ୍ଧିକୁ ରଦ୍ଦ କରିଦେଇଥିଲେ । ଅର୍ଥ ବିଭାଗର ନିର୍ଦ୍ଦେଶ ଅନୁସାରେ କର୍ମଚାରୀ ଏବଂ ପେନସନଭୋଗୀଙ୍କୁ ୧ ଜାନୁଆରୀ ୨୦୨୦ରୁ ମହଙ୍ଗା ଭତ୍ତାର ଅତିରିକ୍ତ ରାଶି ଦିଆଯିବନାହିଁ । ଏହା ବ୍ୟତୀତ ଅର୍ଥ ବିଭାଗ ୧ ଜୁଲାଇ ୨୦୨୦ ଏବଂ ୧ ଜାନୁଆରୀ ୨୦୨୧ରୁ ମହଙ୍ଗା ଭତ୍ତା ବୃଦ୍ଧି ଏବଂ ଅତିରିକ୍ତ କିସ୍ତି ଦେବାକୁ ମନାକରିଦେଇଥିଲେ । ସେହିଭଳି ଯେଉଁ ବିଭାଗରେ କର୍ମଚାରୀମାନଙ୍କ ମହଙ୍ଗା ଭତ୍ତା ବଢିଥିଲା ତାହାକୁ ମଧ୍ୟ ଅଟକାଇ ଦିଆଯାଇଥିଲା ।କରୋନା ସଙ୍କଟ ସମୟରେ ମୋଦି ସରକାର କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କୁ ପୁରୁଣା ଦରରେ ମହଙ୍ଗା ଭତ୍ତା ପ୍ରଦାନ କରୁଛି । ବର୍ତ୍ତାମାନର ଦର ୨୧ ପ୍ରତିଶତ ଅଛି । ମାତ୍ର ୨୦୨୧ ପର୍ଯ୍ୟନ୍ତ ୧୭ ପ୍ରତିଶତ ଦରରେ ହିଁ ପ୍ରଦାନ କରାଯିହ । ସରକାର ଲିଭ୍ ଟ୍ରାଭେଲ ଆଲାଉନ୍ସ, ଲିଭ୍ ଟ୍ରାଭେଲ କନ୍ସେସନ ଏବଂ ବୋନସ ଉପରେ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେଇଛନ୍ତି । ଏହା ବ୍ୟତୀତ କର୍ମଚାରୀଙ୍କୁ ଦୀପାବଳି ବୋନସ ମଧ୍ୟ ପ୍ରଦାନ କରାଯାଇଛି । ଏହାସହ ପେନସନର ଲାଇଫ୍ ସାର୍ଟିଫିକେଟ୍ ସବମିଶନକୁ ନେଇ ବଡ ନିଷ୍ପତ୍ତି ମଧ୍ୟ ନିଆଯାଇଛି ।