ନକଲି ମଶାମରା ଲିକ୍ୟୁଡି ଫ୍ୟାକ୍ଟ୍ରି ସିଲ୍‌, ବମ୍ବେ ଟିମ୍‌ର ଖୋଳତାଡ଼

ସୂଚନାଯୋଗ୍ୟ, ବିଭିନ୍ନ ନାମୀଦାମୀ କମ୍ପାନୀ ମଶାମରା ଲିକ୍ୟୁଡି ପ୍ରସ୍ତତ କରି ବଜାରକୁ ଛାଡ଼ୁଛନ୍ତି। କିନ୍ତୁ କିଛି ଲାଭଖୋର ମନୋବୃତ୍ତିର ଲୋକେ ବଜାରରେ ଏହାର ନକଲ ଛାଡ଼ୁଛନ୍ତି।ଓଡ଼ିଶା ବଜାରରେ ଏହିପରି କିଛି ନକଲି ମଶାମରା ଲିକ୍ୟୁଡି ବିକ୍ରି ହେଉଥିବା ଖବର ପାଇ ବମ୍ବେରୁ ଏକ ଟିମ୍‌ ଗତକାଲି ଜଟଣୀରେ ପହଞ୍ଚିଥିଲା।  ଏହାପରେ ସ୍ଥାନୀୟ ପୁଲିସ୍‌ ସହାୟତାରେ ଯାଞ୍ଚ କରାଯାଇ କିଛି ଲିକ୍ୟୁଡିର ସାମ୍ପଲ ସଂଗ୍ରହ କରାଯାଇଛି। ପରେ ପୁଲିସ  ଓ ଓକିଲଙ୍କ ଉପସ୍ଥିତି ଏହି ଘର କୁ ସିଲ୍ କରାଯାଇଛି।

ହେଲେ କମ୍ପାନୀ ମାଲିକ ନକଲି ସାମଗ୍ରୀ ପ୍ରସ୍ତୁତ ଖବରକୁ ଖଣ୍ଡନ କରିଛନ୍ତି। ସେ ନିଜ ବ୍ରାଣ୍ଡରେ ଏହାକୁ ଛାଡ଼ୁଥିବା ବେଳେ କୌଣସି ନକଲ କରୁ ନ ଥିବା ସଫେଇ ଦେଇଛନ୍ତି। ତେବେ ପୁଲିସ୍‌ ତଦନ୍ତ ପରେ ସତ କ’ଣ ତାହା ପଦାକୁ ଆସିବ ।