ସତ୍ୟଶିଖା ୨୨ /୧୨/୨୦୨୦ : ଜିଏସ୍ଟି ଅଫିସରଙ୍କ ଘରେ ଭିଜିଲାନ୍ସ ରେଡ୍ । ରାଉରକେଲା G.S.T ଆସିଷ୍ଟାଣ୍ଟ କମିଶନର ଅଲେଖ ମହାନନ୍ଦଙ୍କ ଘରେ ଭିଜିଲାନ୍ସ ପକ୍ଷରୁ ରେଡ୍ କରାଯାଇଛି । ଛେଣ୍ଟସ୍ଥିତ ବାସଭବନ ସମେତ ଏକକାଳୀନ ୪ଟି ସ୍ଥାନରେ ଚଢାଉ ଜାରି ରଖିଛି ଭିଜିଲାନ୍ସ । ଖବର ଅନୁଯାୟୀ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ରାଉରକେଲା G.S.T ଆସିଷ୍ଟାଣ୍ଟ କମିଶନର ଅଲେଖ ମହାନନ୍ଦ ଘରେ ଭିଜିଲାନ୍ସ ରେଡ୍ କରିଛି । ଭିଜିଲାନ୍ସ ପକ୍ଷରୁ ଅଲେଖ ମହାନନ୍ଦଙ୍କ ଛେଣ୍ଡସ୍ଥିତ ବାସଭବନ ସହ ୪ଟି ସ୍ଥାନରେ ଏକକାଳୀନ ଚଢାଉ କରାଯାଇଛି । ତେବେ ଚଢାଉ ହୋଇଥିବା ସ୍ଥାନଗୁଡିକ ହେଉଛି- ଛେଣ୍ଡସ୍ଥିତ ଫେଜ-୧, ଏଲ୍- ୧୧୯ ବାସଭବନ ସହ କାର୍ଯ୍ୟାଳୟ ଏବଂ ଶଶୁର ଘରେ ରେଡ଼ ଜାରି ରହିଛି । ରାଉରକେଲା ଭିଜିଲାନ୍ସ ପକ୍ଷରୁ ୪ଟି ସ୍ବତନ୍ତ୍ର ଟିମ୍ ଏହି ରେଡ୍ରେ ସାମିଲ ଅଛନ୍ତି ।
