ସତ୍ୟଶିଖା ୨୪.୦୭.୨୦୨୦ : ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶ୍ରମିକଙ୍କୁ ଦ୍ଵିତୀୟ ପର୍ଯ୍ୟାୟରେ 9,08,855 ଆର୍ଥିକ ସହାୟତା ଯୋଗାଇ ଦେଇଛନ୍ତି । ଶ୍ରମିକଙ୍କ ଆକାଉଣ୍ଟକୁ 90 କୋଟି 88 ଲକ୍ଷ ଟଙ୍କା ଟ୍ରାନ୍ସଫର କରାଯାଇଛି ।
ଏତଦ୍ ବ୍ୟତୀତ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବିପର୍ଯ୍ୟୟ ପ୍ରାରମ୍ଭିକ ଚେତାବନୀ ଏବଂ ରିଲିଫ୍ ପରିଚାଳନା ପାଇଁ ଏକ ପ୍ରହରୀ ଆପ ଲଂଚ୍ କରିଛନ୍ତି । ଦୈବୀ ବିପର୍ଯ୍ୟୟ ରୋକିବା, ସଚେତନତା ଏବଂ ସ୍ୱଚ୍ଛ ରିଲିଫ ବଣ୍ଟନ ବ୍ୟବସ୍ଥା ସହ ଜଡିତ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାଜ୍ୟରେ ଚାରୋଟି ନୂତନ ପଦକ୍ଷେପ ଆରମ୍ଭ କରିଛନ୍ତି। 9 ଲକ୍ଷରୁ ଅଧିକ କର୍ମଚାରୀଙ୍କ ବ୍ୟାଙ୍କ ଆକାଉଣ୍ଟକୁ DBT ମାଧ୍ୟମରେ 1000-1000 ଟଙ୍କା ଆର୍ଥିକ ସହାୟତା ମଧ୍ୟ ହସ୍ତାନ୍ତର କରାଯାଇଛି।
ତାଲାବନ୍ଦ ସମୟରେ ମୁଖ୍ୟମନ୍ତ୍ରୀ ଅନ୍ୟ ରାଜ୍ୟରୁ ଘରକୁ ଫେରିଥିବା ପ୍ରବାସୀ ଶ୍ରମିକମାନଙ୍କୁ 1000-1000 ଟଙ୍କା ଦେବାକୁ ଘୋଷଣା କରିଥିଲେ। ପ୍ରଥମ ପର୍ଯ୍ୟାୟରେ 10 ଲକ୍ଷରୁ ଅଧିକ ଶ୍ରମିକଙ୍କୁ ସହାୟତା ରାଶି ପ୍ରଦାନ କରାଯାଇଥିଲା । ଏହାପରେ ଦ୍ୱିତୀୟ ପର୍ଯ୍ୟାୟରେ ଚିହ୍ନଟ ହୋଇଥିବା ଶ୍ରମିକଙ୍କ ଆକାଉଣ୍ଟକୁ 1000-1000 ଟଙ୍କା ପଠାଯାଇଛି ଏବଂ ଯେଉଁ ଶ୍ରମିକଙ୍କ ଆକାଉଣ୍ଟକୁ ପ୍ରଥମ ପର୍ଯ୍ୟାୟରେ ସହାୟତା ରାଶି ପଠାଯିବାରେ ବିଫଳ ହୋଇଥିଲା ସେମାନଙ୍କୁ ଦ୍ଵିତୀୟ ପର୍ଯ୍ୟାୟରେ ସହାୟତା ରାଶି ଯୋଗାଇ ଦିଆଯିବ l
ସେପଟେ ସିଏମ୍ ଯୋଗୀ ବିପର୍ଯ୍ୟୟ ନିରୀକ୍ଷଣ ଆପ୍ ମଧ୍ୟ ଲଞ୍ଚ କରିଛନ୍ତି। ଜନସାଧାରଣଙ୍କ ଅଂଶଗ୍ରହଣ ସହିତ ବିପର୍ଯ୍ୟୟ ପ୍ରଶମନ ଯୋଜନା ସହିତ ଜଡିତ କାର୍ଯ୍ୟକୁ ସଂଯୋଗ କରିବା ପାଇଁ ଏହା ଏକ ନିଆରା ପଦକ୍ଷେପ। କୌଣସି ପ୍ରକାର ବିପର୍ଯ୍ୟୟ ହେଲେ ସାଧାରଣ ନାଗରିକ ଏହି ଆପରେ ସୂଚନା ପଞ୍ଜିକରଣ କରିପାରିବେ । ପ୍ରତ୍ୟେକ ସୂଚନା ତହସିଲ ଦ୍ୱାରା ପରୀକ୍ଷା କରାଯିବ। ବିପର୍ଯ୍ୟୟ ନିଶ୍ଚିତ ହେବା ପରେ ପ୍ରଭାବିତ ଲୋକଙ୍କୁ ସହାୟତା ଯୋଗାଇ ଦିଆଯିବ ।
