ବଗଲା ଧର୍ମଶାଳା ଜମି ବିକ୍ରିରେ ମହାଖୁଲାସା, ୧୨.୨୩ ପ୍ରତିଶତ ନୁହେଁ ପୁରା ଧର୍ମଶାଳାର ଘରବାରି ଜମି ବିକ୍ରିର ଷଡଯନ୍ତ୍ର l

ସତ୍ୟଶିଖା ( ପୁରୀ ) ୨୬ . ୦୮.୨୦୨୦ : ପୁରୀ ବଗଲା ଧର୍ମଶାଳା ଜମି ବିକ୍ରିରେ ମହାଖୁଲାସା । ମାତ୍ର ୧୨.୨୩ ପ୍ରତିଶତ ନୁହେଁ ପୁରା ଘରବାରି ଜମି ବିକ୍ରି ପାଇଁ ଜିଲ୍ଲାପାଳଙ୍କୁ ଚିଠି ଲେଖିଥିଲା ରାଜସ୍ୟ ବିଭାଗ, ଦାନ ଜମିକୁ କିଭଳି ବିକ୍ରି କରାଗଲା ତାକୁ ନେଇ ପ୍ରଶ୍ନ । ୧୨.୨୩ ପ୍ରତିଶତ ନୁହେଁ ପୁରା ଧର୍ମଶାଳାର ଘରବାରି ଜମି ବିକ୍ରିର ଷଡଯନ୍ତ୍ର ହୋଇଥିଲା । ଧରାପଡିଯାଇଛି ରାଜ୍ୟ ସରକାରଙ୍କ ଚାଲ୍ । ପୁରୀ ଜିଲ୍ଲାପାଳଙ୍କୁ ଏନେଇ ଜୁନ୍ ୫ରେ ଚିଠି ଲେଖିଛି ରାଜସ୍ଵ ବିଭାଗ । ଚିଠିରେ ବଳଗଣ୍ଡିର ପ୍ଲଟ୍ ନମ୍ବର ୪୬୧, ୪୫୯ ଓ ୪୯୬ ବିକ୍ରି ପାଇଁ ଅନୁମତି ଦେଇଛି ରାଜସ୍ଵ ବିଭାଗ । ବଗଲା ଧର୍ମଶାଳାର ଆଉ ୧ ଏକର ୫୯୩ ଡେସିମିଲ୍ ବିକ୍ରି ହୋଇଥାନ୍ତା । ପୂର୍ବରୁ ବିକ୍ରି ସରିଛି ୩୪ ଡିସିମିଲ୍ ଜମି । ପ୍ଲଟ ନମ୍ବର ୪୬୧ ହେଉଛି ୦.୧୬୪ ଡିସିମିଲ୍ । ଯାହାକି ବଗଲା ଧର୍ମଶାଳାର ନୁହେଁ ।

ପ୍ଲଟ୍ ନମ୍ବର ୪୫୯ ଓ ୪୯୬ ହେଉଛି ବଗଲା ଧର୍ମଶାଳାର । ବଗଲା ଧର୍ମଶାଳାର ମୋଟ୍ ଜମିରୁ ୧ ଏକର ୫୯୩ ଡେସିମିଲ୍ ଲଜ ମାଲିକଙ୍କୁ ବିକ୍ରି ପାଇଁ ହୋଇଥିଲା ଚକ୍ରାନ୍ତ । ପୂର୍ବରୁ ବିକ୍ରି ସରିଛି ୩୫ ଡିସିମିଲ୍ । ପ୍ରଶାସନ କହୁଛି ମାତ୍ର ୧୨.୨୩ ପ୍ରତିଶତ ବ୍ୟବହାର ହୋଇଛି ଥଇଥାନ ପାଇଁ । କିନ୍ତୁ ରାଜସ୍ୱ ବିଭାଗ ତ ପୁରା ଘରବାରି ଜମି ବିକ୍ରି ପାଇଁ ଦେଇଛି ଅନୁମତି । ବାକି ଯେଉଁ ଜମି ତାହା ହେଉଛି ରାସ୍ତା, ପୋଖରୀ, ଜଳାଶୟ । ଏବେ ପ୍ରଶ୍ନ ଗଣମାଧ୍ୟମରେ ଖବର ନ ଆସିଥିଲେ ପୁରା ଜମି ବିକ୍ରି ହୋଇଯାଇନଥାନ୍ତା କି  ?  ୨୭ ଲଜ ମାଲିକଙ୍କୁ ଦେଇ ଦେଇଥାନ୍ତେ ବଗଲା ଧର୍ମଶାଳା ଯଦି ସବୁ ଜମି ବିକ୍ରି କରିଥାନ୍ତେ ତା ହେଲେ କାହାର ରିନୋଭେସନ୍ ହୋଇଥାନ୍ତା  ?  ଦାନସୂତ୍ରରେ ମିଳିଥିବା ଜମିକୁ ବିକ୍ରି କରାଗଲା କିଭଳି  ?  ପୂର୍ବରୁ ଜମି ହରାଇଥିବା ଲଜ୍ ମାଲିକଙ୍କୁ ଟଙ୍କା ବି ଦିଆଯାଇଛିଟଙ୍କା ସହିତ ପୁଣି ବଗଲା ଧର୍ମଶାଳାରେ ଜମି ଦିଆଗଲା କିଭଳି  ?  ରାଜସ୍ୱ ମନ୍ତ୍ରୀ, ରାଜ୍ୟ ସରକାର ଉତ୍ତର ଦେବେ କି  ?