ସତ୍ୟଶିଖା (ଭଦ୍ରକ )୨୧/୧୦ /୨୦୨୧: କାଳୀପୂଜା ନେଇ ପ୍ରସ୍ତୁତି ବୈଠକ । ଭଦ୍ରକ ଜିଲ୍ଲାପାଳଙ୍କ ମଧ୍ୟକ୍ଷତାରେ ସଦ୍ଭାବନା ସଭାଗୃହରେ ଏହି ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଏସ୍ପି ଚରଣ ସିଂହ ମୀନା, ଅତିରିକ୍ତ ଜିଲ୍ଲାପାଳ ମଧୂସୂଦନ ଦାଶ, ଉପ-ଜିଲ୍ଲାପାଳ ପୀତାମ୍ବର ସାମଲ ପ୍ରମୁଖ ଯୋଗଦେଇଥିଲା । ବିଭିନ୍ନ ପ୍ରସଙ୍ଗ ନେଇ ବୈଠକରେ ଆଲୋଚନା ହୋଇଛି ।
ଆସନ୍ତା ୪ ତାରିଖରେ ପାଳନ ହେବାକୁ ଯାଉଛି କାଳୀପୂଜା । କରୋନା କଟକଣା ଭିତରେ ପାଳନ କରାଯିବ ଭଦ୍ରକର କାଳୀପୂଜା । କୌଣସି ପୂଜା ମଣ୍ଡପରେ ଜନ ସମାବେଶ ହେବ ନାହିଁ । ମୂର୍ତ୍ତିର ଉଚ୍ଚତା ୪ ଫୁଟରୁ ଅଧିକ ହେବ ନାହିଁ । ମେଢ଼ର ତିନିପାଖ ଆବଦ୍ଧ ରହିବ । ବଡ଼ ଧରଣର କି ଯାକଜକମରେ ପୂଜା କରାଯାଇପାରିବ ନାହିଁ କିମ୍ବା ଡ଼ାକବାଜି ଯନ୍ତ୍ର ବାଜିବ ନାହିଁ । ଯାତ୍ରା ଓ କୌଣସି ସାଂସ୍କୃତିକ କାର୍ଯ୍ୟକ୍ରମ ପାଇଁ ଅନୁମତି ଦିଆଯିବ ନାହିଁ. । ନିରାଡ଼ମ୍ବର ଭାବେ ପୂଜା ପାଳନ କରାଯିବ ।ସେହିପରି ମ୍ୟୁନିସିପାଲିଟି ଦ୍ୱାରା ପ୍ରସ୍ତୁତ କୃତ୍ରିମ ପୋଖରୀରେ ମୂର୍ତ୍ତି ବିସର୍ଜନ କରାଯିବ । ବିସର୍ଜନ ବେଳେ କୌଣସି ବାଦ୍ୟ ବାଜିବ ନାହିଁ କି ଶୋଭାଯାତ୍ରା ହେବ ନାହିଁ ।
