କୂଲଗାମରେ ଏନକାଉଣ୍ଟର: ସୁରକ୍ଷାବାହିନୀଙ୍କ ଗୁଳି ଚାଳନାରେ ୨ ଆତଙ୍କବାଦୀ ନିହତ, ସର୍ଚ୍ଚ ଅପରେସନ ଜାରି l

ସତ୍ୟଶିଖା (କୂଳଗାମ) ୧୦.୧୦.୨୦୨୦ : ଜମ୍ମୁ-କଶ୍ମୀର କୂଳଗାମ ଜିଲ୍ଲାର ଚିନଗାମ ଇଲାକାରେ ୨ ଆତଙ୍କବାଦୀ ପ୍ରାଣ ହରାଇଛନ୍ତି । ସୁରକ୍ଷାବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ଚାଳନା ହୋଇଥିଲା ।  ତେବେ ଏହି ଏନକାଉଣ୍ଟରରେ ସୁରକ୍ଷାବାହିନୀ ଦୁଇ ଜଣ ଆତଙ୍କବାଦୀଙ୍କୁ ମାରିଛନ୍ତି । ପୋଲିସ ଅନୁସାରେ ମୃତ ଆତଙ୍କବାଦୀଙ୍କର ଏବେ ସୁଦ୍ଧା କୌଣସି ପରିଚୟ ମିଳିପାରି ନାହିଁ । ଗତକାଲି ବିଳମ୍ବିତ ରାତ୍ରିରେ ହୋଇଥିବା ଏହି ଆକ୍ରମଣ ପରେ ଜମ୍ମୁ-କଶ୍ମୀରର ସର୍ଚ ଅପରେସନ ଜାରି ରହିଛି ।ଏହି ଇଲାକାରେ ଦୁଇରୁ ତିନିଜଣ ଆତଙ୍କବାଦୀଙ୍କ ଉପସ୍ଥିତିରେ ସୁରକ୍ଷାବାହିନର ଦଳ ପହଞ୍ଚିଲେ । ଫଳରେ ସେମାନଙ୍କ ମଧ୍ୟରେ ଫାୟରିଂ ଆରମ୍ଭ ହୋଇଥିଲା । ଏହା​‌ ପରେ ସୁରକ୍ଷାବାହିନୀଙ୍କ ତରଫରୁ ଆତଙ୍କବାଦୀଙ୍କ ଉପରେ ପ୍ରତି ଆକ୍ରମଣ କରାଗଲା ।