ସତ୍ୟଶିଖା ( ଭୁବନେଶ୍ୱର )୦୯/୧୦ /୨୦୨୧: ରାଜଧାନୀରେ ପୁଣି ଜବତ ହେଲା ବ୍ରାଉନସୁଗାର । କ୍ୟୁଏଟିକୁ ମିଳିଲା ସଫଳତା । ୨୬୨ ଗ୍ରାମ୍ ବ୍ରାଉନସୁଗାର ଜବତ କରିବା ସହ ଜଣଙ୍କୁ ଗିରଫ କରିଛି । ଗିରଫ ଯୁବକଙ୍କ ନାଁ ମୁନାଲ ସାମଲ । ତା ନିକଟରୁ ନଗଦ ୧୦ ହଜାର ଟଙ୍କା ବି ଜବତ ହୋଇଛି । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୨୭ ଲକ୍ଷ ଟଙ୍କା । ମୁନାଲ ଜଳେଶ୍ବର ଅଂଚଳରୁ ବ୍ରାଉନସୁଗାର ଆଣି ରାଜଧାନୀରେ ବିକ୍ରି କରୁଥିଲା । ବାଲିଅନ୍ତା ଥାନା ଅଂଚଳରୁ ତାଙ୍କୁ କ୍ୟୁଏଟି ଗିରଫ କରିଛି ।
୨୦୨୧ରେ କେବଳ ୧୦ କେଜିରୁ ଅଧିକ ବ୍ରାଉନସୁଗାର ଜବତ କରାଯାଇଛି । ଭୁବନେଶ୍ବର ୟୁପିଡି କେବଳ ୫.୬୬ କେଜି ବ୍ରାଉନସୁଗାର ଜବତ କରିବା ସହ ୬୭ ଜଣକୁ ଗିରଫ କରିଛି । କଟକ ପୋଲିସ ୪.୬୪୬ କେଜି ବ୍ରାଉନସୁଗାର ଜବତ କରିବା ସହ ୩୦ ଜଣଙ୍କୁ ଗିରଫ କରାଯାଇଛି । ଡ୍ରଗ୍ସ ଅଡିଟ୍ ଲୋକଙ୍କୁ ସମାଜର ମୁଖ୍ୟ ସ୍ରୋତକୁ ଆଣିବା ପାଇଁ ପୋଲିସ ଚେଷ୍ଟା କରିବ । ସବୁ ବ୍ରାଉନସୁଗାର କଲିକତା ଅଞ୍ଚଳରୁ ଆସୁଛି । ଡ୍ରଗ୍ସ ଉପରେ କଣ୍ଟ୍ରୋଲ ଆସିଲେ ଅପରାଧ ନିୟନ୍ତ୍ରଣ କରାଯାଇ ପାରିବ ।
