ସତ୍ୟଶିଖା ୧୦ .୦୯.୨୦୨୦ : ରାଜଧାନୀରେ ଗଜରାଜ ଆତଙ୍କ । ଅନ୍ଧାରୁଆ ଓ ଭରତପୁର ମଝିରେ ଥିବା ଜିଏ କଲୋନୀରେ ଗତକାଲି ରାତିରେ ପଶିଥିଲା ହାତୀ । ହାତୀ ପଶିବା ପରେ ଅଂଚଳରେ ଆତଙ୍କ ସୃଷ୍ଟି କରିଥିଲା । ହାତୀକୁ ଦେଖିବା ପରେ କଲୋନୀ ବାସିନ୍ଦା ବନବିଭାଗକୁ ଖବର ଦେଇଥିଲେ । ହାତୀ କଲୋନୀ ଭିତରେ କିଛି ଲୋକଙ୍କ ଘର ପାଚେରୀ ଭାଙ୍ଗି ଦେଇଥିଲା । ଗଛ ମଧ୍ୟ ଉପାଡି ଦେଇଥିଲା ।
ଫଳରେ ପୁରା ଜିଏ କଲୋନୀରେ ଭୟ ଖେଳି ଯାଇଥିଲା । ରାତି ପ୍ରାୟ ୧୧ଟା ବେଳକୁ ଚନ୍ଦକା ବନବିଭାଗ କର୍ମଚାରୀ ପହଁଚି ହାତୀକୁ ଠାବ କରି , ଜଙ୍ଗଲକୁ ଘଉଡାଇବାରେ ସଫଳ ହୋଇଥିଲେ ।
“ଗଜରାଜ କଲୋନୀରେ ପଶି ପାଚେରୀ ଭାଙ୍ଗିଲା; ସ୍ଥାନୀୟ ଲୋକେ ଆତଙ୍କିତ”
