ନ୍ୟୁଜ୍
ଲାଞ୍ଜିଗଡ଼ ବ୍ଲକରେ ହାତୀ ଆତଙ୍କ ଘର ଭାଙ୍ଗିବା ସହ ଫସଲ ନଷ୍ଟ କଲେ l


ସତ୍ୟଶିଖା ( କଳାହାଣ୍ଡି ) ୦୯ .୧୦.୨୦୨୦ : ଲାଞ୍ଜିଗଡ ବ୍ଲକର କିଡିଙ୍ଗ ଅଞ୍ଚଳରେ ଦେଖାଦେଇଛି ଜଙ୍ଗଲି ହାତୀ ଉପଦ୍ରବ । ରାତିରେ ନିକଟସ୍ଥ କିଡିଙ୍ଗର ଧରମକାଁଣି ଜଙ୍ଗଲରୁ ହାତୀପଲ ଆସି କିଡିଙ୍ଗ ଗ୍ରାମର କଳାକୁଟୁ ଶବରଙ୍କ ଘର ଭାଙ୍ଗି ଘରେ ଥିବା ଚାଉଳ ଖାଇବା ସହ ବାସନ କୁଶନ ମଧ୍ୟ ନଷ୍ଟ କରିଛନ୍ତି । ପରେ କିଡିଙ୍ଗ ଓ କାଉକୁଡ଼ା ଗାଁର ବହୁ ଲୋକଙ୍କ ଧାନ, ମକା ଓ ପନିପରିବା ଫସଲ ନଷ୍ଟ କରିଥିବା ଜଣାପଡିଛି ।
ଏହି ହାତୀପଲ ବ୍ଲକର ବିଭିନ୍ନ ପଞ୍ଚାୟତରେ ଲୋକଙ୍କ ଫସଲ ନଷ୍ଟ କଲା ପରେ ଗତ ୧ ତାରିଖରେ ବେଡାଗାଁ ପଞ୍ଚାୟତ ଧାନ ଫସଲ ନଷ୍ଟ କରି ସାନ ମାଝୀଙ୍କୁ ତାଙ୍କ ଚାଷ ଜମିରେ ଆକ୍ରମଣ କରିବା ଯୋଗୁଁ ମୃତ୍ୟୁ ଘଟିଥିଲା । ହାତୀପଲ ଏବେ ଲାଞ୍ଜିଗଡ଼ରୋଡ ପଞ୍ଚାୟତର କିଡିଙ୍ଗ ବିଟ୍ ଧରମକାଁଣି ଜଙ୍ଗଲ ଆଡକୁ ମୁହାଁଇ ଥିବାବେଳେ ଅନ୍ୟ ଏକ ଦଳ ୧୩ ଗୋଟି ହାତୀପଲ ଲାଞ୍ଜିଗଡ଼ରୋଡ଼ ବିଟ୍ ଲାଞ୍ଜିପଦର ଠାରେ ଥିବା ବନ ବିଭାଗ ପକ୍ଷରୁ ସୂଚନା ମିଳିଛି ।