O.J.E.E ପାଇଁ SOP ଜାରି, ପରୀକ୍ଷା କେନ୍ଦ୍ରରେ କଡ଼ାକଡ଼ି ଭାବେ ପାଳନ ହେବ କୋଭିଡ଼ ନିୟମ l

ସତ୍ୟଶିଖା (ଭୁବନେଶ୍ୱର) ୦୫.୧୦.୨୦୨୦ : O.J.E.E ପରୀକ୍ଷା ପାଇଁ ଏସ୍‌ଓପି ଜାରି କଲେ ରାଜ୍ୟ ସରକାର । ପରୀକ୍ଷା କେନ୍ଦ୍ରରେ କୋଭିଡ଼ ନିୟମକୁ କଡ଼ାକଡ଼ା ଭାବେ ପାଳନ କରିବାକୁ ନିର୍ଦ୍ଦେଶ ଦିଆଯାଇଛି । ଏପରିକି ପ୍ରତି କେନ୍ଦ୍ରରେ ୫୦ପ୍ରତିଶତ ସିଟ୍‌ରେ ପରୀକ୍ଷାର୍ଥୀ ବସି ପରୀକ୍ଷା ଦେବେ । ଯେଉଁ ପରୀକ୍ଷାର୍ଥୀଙ୍କ ନିକଟରେ କୋଭିଡ଼ ଲକ୍ଷଣ ଥିବ ସେମାନେ ଆଇସୋଲେଟେଡ୍‌ ହଲ୍‌ରେ ଦେବେ ପରୀକ୍ଷା ।

ସେହିପରି ପରୀକ୍ଷା ପୂର୍ବରୁ ସମସ୍ତ ପରୀକ୍ଷା କେନ୍ଦ୍ରକୁ ସାନିଟାଇଜ୍‌ କରାଯିବ । ସମସ୍ତ ପରୀକ୍ଷାର୍ଥୀ ମାସ୍କ ପିନ୍ଧିବା ବାଧ୍ୟତାମୂଳକ । ଏପରିକି ପରୀକ୍ଷା ନିରୀକ୍ଷକ ମାସ୍କ ଏବଂ ଗ୍ଲୋଭସ୍‌ ପିନ୍ଧିବା ବାଧ୍ୟତାମୂଳକ । ସେଣ୍ଟରରେ ପ୍ରବେଶ କରିବା ପୂର୍ବରୁ ସମସ୍ତ ପରୀକ୍ଷାର୍ଥୀଙ୍କ ତାପମାତ୍ରା ମପାଯିବ ।